மலையக மக்களின் அமோக ஆதரவுடன் சஜித் வெற்றி பெறுவார் : திகாம்பரம் திட்டவட்டம்

Palany Thigambaram Sajith Premadasa Sri Lanka Presidential Election 2024

By Aadhithya Aug 10, 2024 03:32 PM GMT

Aadhithya

in அரசியல்

Report

மலையக மக்களின் அமோக ஆதரவுடன் ஜனாதிபதி தேர்தலில் சஜித் பிரேமதாச (Sajith Premadasa) வெற்றிபெறுவார் என நுவரெலியா மாவட்ட நாடாளுமன்ற உறுப்பினர் பழனி திகாம்பரம் (P. Thigambaram) தெரிவித்துள்ளார்.

ஹட்டனில் (Hatton) இடம்பெற்ற தொழிலாளர் தேசிய சங்கம் மற்றும் தொழிலாளர் தேசிய முன்னணியின் கூட்டத்தில் இன்று (10) கலந்துகொண்டு உரையாற்றும் போதே அவர் மேற்கண்டவாறு குறிப்பிட்டுள்ளார்.

அவர் மேலும் கூறுகையில், “ மலையக பெருந்தோட்டத் தொழிலாளர்களுக்கு நாள் சம்பளமாக 1,700 ரூபா கிடைக்கப்பெறும் என்று ஜனாதிபதி ரணில் விக்ரமசிங்கவும் (Ranil "Wickremesinghe), தொழில் அமைச்சராக இருந்த மனுச நாணயக்காரவும் (Manusha Nanayakara) வீரவசனம் பேசினர்.

சம்பள உயர்வு

எனினும், அந்த சம்பள உயர்வு இன்னும் கிடைக்கப்பெறவில்லை. இந்நிலையில் கம்பனிக்காரர்களிடம் கூறி வழக்கு போடச் சொன்னதாக என் மீது மனுச நாணயக்கார இப்போது குற்றச்சாட்டு முன்வைக்கின்றார்.

மலையக மக்களின் அமோக ஆதரவுடன் சஜித் வெற்றி பெறுவார் : திகாம்பரம் திட்டவட்டம் | Digambaram Backs Sajith For President 2024

இந்த குற்றச்சாட்டை நான் நிராகரிக்கின்றேன். மலையக மக்களை நான் ஒருபோதும் காட்டிக்கொடுத்தது கிடையாது. தங்களால் சம்பள உயர்வை பெற்றுக்கொடுக்க முடியவில்லை என்பதற்காக தற்போது பந்தை என் பக்கம் வீசுகின்றனர்.

சஜித் பிரேமதாச

ஜனாதிபதியும், மனுஷ நாணயக்காரவும் பொய்யர்கள் என்பது உறுதியாகியுள்ளது. ஜனாதிபதி தேர்தலில் சஜித் பிரேமதாசவே வெற்றிபெறுவார், மலையக மக்களும் அவருக்கே வாக்களிப்பார்கள்.

மாறாக துரோகம் செய்தவர்களுக்கு வாக்களிக்கமாட்டார்கள், சஜித் பிரேமதாச ஆட்சியில் காணி உரிமை, வீட்டு உரிமை, கல்வி உரிமை என அத்தனை உரிமைகளும் கிடைக்கப்பெறும்.

முடிந்தால் மலையக மக்கள் வாக்குகளை பெற்றுக்காட்டுமாறு ஜனாதிபதிக்கு சவால் விடுக்கின்றேன்.” என்றார்.