இலங்கைக்கான நேரடி விமானசேவை ஆரம்பம் : அதிகாலைவேளை கட்டுநாயக்காவில் தரையிறங்கிய விமானம்

Bandaranaike International Airport Sri Lanka Turkey

By Sumithiran Oct 30, 2023 04:16 PM GMT

Sumithiran

in வணிகம்

Report

இலங்கைக்கான நேரடி விமான சேவையை துருக்கி விமான நிறுவனம் இன்று (30) ஆரம்பித்துள்ளது.

இதன்படி துருக்கியின் இஸ்தான்புல்லில் இருந்து இன்று அதிகாலை 5.40 மணி அளவில் TK-730 என்ற விமானம் கட்டுநாயக்க விமான நிலையத்தை வந்தடைந்தது.

261 பயணிகளுடன் வருகை

இந்த விமானத்தின் ஊடாக 261 பயணிகள் இலங்கையை வந்தடைந்ததாகவும் தெரிவிக்கப்படுகின்றது. இந்த விமானம் இஸ்தான்புல்லில் இருந்து இலங்கையை வந்தடைய சுமார் 8 மணித்தியாலங்கள் எடுக்கும் என தெரிவிக்கப்படுகிறது.

இலங்கைக்கான நேரடி விமானசேவை ஆரம்பம் : அதிகாலைவேளை கட்டுநாயக்காவில் தரையிறங்கிய விமானம் | Direct Flights From Turkey Begin

துருக்கியில் இருந்து திங்கள், செவ்வாய், வியாழன் மற்றும் சனிக்கிழமைகளில் இந்த விமான சேவை நடைபெறும். அடுத்த வருடம் முதல் வாரத்தில் 7 நாட்களுக்கு ஒருமுறை துருக்கி விமானங்கள் கட்டுநாயக்க விமான நிலையத்தை வந்தடைய திட்டமிடப்பட்டுள்ளதாக தெரிவிக்கப்படுகின்றது.

மாலைதீவு வழியாக கட்டுநாயக்க விமான நிலையத்திற்கு

சுமார் 10 வருடங்களாக துருக்கிய ஏர்லைன்ஸ் மாலைதீவு வழியாக கட்டுநாயக்க விமான நிலையத்திற்கு தனது விமானங்களை இயக்கி வந்ததுடன், நேரடி விமான சேவைகள் ஆரம்பிக்கப்பட்டதன் மூலம் துருக்கியில் இருந்து இலங்கைக்கு வரும் பயணிகளின் எண்ணிக்கை மூன்று மடங்கு அதிகரிக்கும் எனவும் தெரிவிக்கப்படுகின்றது.