மோட்டார் வாகனப் போக்குவரத்துத் திணைக்களம் அறிமுகப்படுத்தியுள்ள அவசர இலக்கம்
மோட்டார் வாகனப் போக்குவரத்துத் திணைக்களம் 074 245 3300 என்ற புதிய வட்ஸ்அப் (WhatsApp) அவசரத் தொடர்பு எண்ணை அறிமுகப்படுத்தியுள்ளதாக தகவல் வெளியாகியுள்ளது.
இதன் மூலம், மோட்டார் வாகனப் பதிவு தொடர்பான சிக்கல்கள் மற்றும் வாகனங்களால் ஏற்படும் இடையூறுகள் குறித்த எழுத்துப்பூர்வமான முறைப்பாடுகளைப் பொதுமக்கள் சமர்ப்பிக்கலாம் என தெரிவிக்கப்பட்டுள்ளது.
இந்தச் சேவையானது மோட்டார் வாகனப் போக்குவரத்து திணைக்கள ஆணையாளரால் அறிமுகப்படுத்தப்பட்டுள்ளதாக குறிப்பிடப்படுகின்றது.
முறைப்பாடுகளை சமர்ப்பித்தல்
பொதுமக்கள் தங்கள் குறைகளைத் தெரிவிப்பதற்கான நேரடி மற்றும் எளிதில் அணுகக்கூடிய ஒரு வழிமுறையை வழங்குவதையும், உரிய நேரத்தில் அதற்கான பதில்கள் கிடைப்பதை உறுதி செய்வதையும் நோக்கமாகக் கொண்டுள்ளது.
வாகனச் செயற்பாடுகள் தொடர்பான தாமதங்கள், முறைகேடுகள் அல்லது பொதுமக்களுக்கு ஏற்படும் இடையூறுகள் போன்ற விடயங்கள் குறித்த முறைப்பாடுகளை, இந்த எண்ணிற்கு வட்ஸ்அப் செய்திகள் மூலம் எழுத்துப்பூர்வமாகச் சமர்ப்பிக்கலாம் என சுட்டிக்காட்டப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
