வெளியான புலமைப்பரிசில் பரீட்சை பெறுபேறு : சிறுவர்களை தண்டித்தால் சட்ட நடவடிக்கை

Grade 05 Scholarship examination Child Abuse School Children

By Jaso Sep 02, 2026 02:22 PM GMT

Jaso

in சமூகம்

Report

தரம் 5 புலமைப்பரிசில் பரீட்சை பெறுபேறுகள் வெளியான நிலையில், பெறுபேறுகளின் அடிப்படையில் சிறுவர்களை உடல் ரீதியாகத் தண்டிக்கும் அல்லது மனரீதியாகத் துன்புறுத்தும் நபர்கள் மீது கடுமையான சட்ட நடவடிக்கை எடுக்கப்படும் என பெண்கள் மற்றும் சிறுவர்கள் நல அமைச்சகம் கடும் எச்சரிக்கை விடுத்துள்ளது.

2026 ஆம் ஆண்டுக்கான புலமைப்பரிசில் பரீட்சை பெறுபேறுகள் வெளியான நிலையில் இந்த எச்சரிக்கை விடுக்கப்பட்டுள்ளது.

உடல், உள ரீதியாக தண்டிக்காதீர்கள்

பரீட்சை முடிவுகளுக்காக குழந்தைகளைத் தண்டிப்பதையோ அல்லது அவர்களை மனரீதியாகத் துன்புறுத்துவதையோ தவிர்க்குமாறு பெற்றோர்களையும் பாதுகாவலர்களையும் அமைச்சகம் வலியுறுத்தியுள்ளது.

வெளியான புலமைப்பரிசில் பரீட்சை பெறுபேறு : சிறுவர்களை தண்டித்தால் சட்ட நடவடிக்கை | Dont Punish Children Over Scholarship Results

மேலும், பரீட்சை முடிவுகள் தொடர்பான உள்ளடக்கங்களை, குழந்தைகளுக்கு சங்கடத்தையோ, மன உளைச்சலையோ அல்லது அசௌகரியத்தையோ ஏற்படுத்தும் வகையில் வெளியிடுவதற்கும் பரப்புவதற்கும் எதிராக ஊடக நிறுவனங்களையும் சமூக ஊடகப் பயனர்களையும் அது எச்சரித்துள்ளது.

அதிகபட்ச சட்ட நடவடிக்கை

இத்தகைய நடத்தை சிறுவர் துஷ்பிரயோகம் தொடர்பான குற்றங்களாக அமையக்கூடும் என்றும், இதற்குப் பொறுப்பானவர்கள் மீது அதிகபட்ச சட்ட நடவடிக்கை எடுக்கப்படும் என்றும் அமைச்சகம் எச்சரித்துள்ளது.