பாடசாலை விளையாட்டு மைதானங்கள் : கல்வி அமைச்சின் நடவடிக்கை

Ministry of Education Sri Lanka Sri Lankan Schools School Children

By Sathangani Apr 16, 2026 07:17 AM GMT

Sathangani

in சமூகம்

Report

நாட்டிலுள்ள 25 மாவட்டங்களிலும் தெரிவு செய்யப்பட்ட பாடசாலைகளில் விளையாட்டு மைதானங்களை அபிவிருத்தி செய்யும் விசேட வேலைத்திட்டத்தை கல்வி அமைச்சு ஆரம்பித்துள்ளதாக தகவல் வெளியாகியுள்ளது.

கொழும்புக்கு வெளியிலுள்ள பெரும்பாலான பாடசாலைகளில் 400 மீற்றர் ஓடுதளப் பாதைகள் இல்லாமையை நிவர்த்தி செய்வதே இத்திட்டத்தின் பிரதான நோக்கமாகும் என கல்வி மற்றும் உயர்கல்வி பிரதி அமைச்சர் மதுர செனவிரத்ன தெரிவித்துள்ளார்.

இதற்கமைய, சர்வதேச தர நிர்ணயங்களுக்கு உட்பட்ட வகையில் இந்த மைதானங்கள் வடிவமைக்கப்படவுள்ளதாக தெரிவிக்கப்படுகின்றது.

விளையாட்டு அமைச்சின் ஒத்துழைப்பு

இந்த அபிவிருத்தித் திட்டத்திற்காக ஒவ்வொரு மாவட்டத்திலிருந்தும் ஒரு தேசிய பாடசாலை, மூன்று மாகாணப் பாடசாலைகள் என்ற அடிப்படையில் பாடசாலைகள் தெரிவு செய்யப்படவுள்ளதாக குறிப்பிடப்பட்டுள்ளது.

பாடசாலை விளையாட்டு மைதானங்கள் : கல்வி அமைச்சின் நடவடிக்கை | Education Ministry Develop School Playgrounds

விளையாட்டு அமைச்சின் ஒத்துழைப்புடன் முன்னெடுக்கப்படும் இத்திட்டத்தின் கீழ், மைதானங்களுக்குத் தேவையான முறையான உட்கட்டமைப்பு வசதிகள் மற்றும் பராமரிப்பு வசதிகளும் உறுதிப்படுத்தப்படவுள்ளதாக பிரதி அமைச்சர் மேலும் குறிப்பிட்டார்.

இந்த வேலைத்திட்டத்தின் மூலம் கிராமப்புற மாணவர்களின் விளையாட்டுத் திறன்களை மேம்படுத்த வாய்ப்பு ஏற்படும் என எதிர்பார்க்கப்படுகின்றமை குறிப்பிடத்தக்கது.