கல்வி அமைச்சு விடுத்துள்ள விசேட அறிவிப்பு
பல்கலைக்கழக கல்விசாரா ஊழியர் சங்கங்கள் மேற்கொண்டு வரும் பணிப்புறக்கணிப்பை முடித்துக்கொண்டு மீண்டும் பணிக்கு திரும்புமாறும், தமது பிரச்சினைகளை அதிபர்நியமித்த நிபுணர் குழுவிடம் முன்வைக்குமாறும் கல்வி அமைச்சு பல்கலைக்கழக கல்விசாரா ஊழியர் சங்கங்களுக்கு இன்று(28) கோரிக்கை விடுத்துள்ளது.
2018 ஆம் ஆண்டு முதல் பல்கலைக்கழக கல்விசாரா ஊழியர்களின் சம்பள முரண்பாடுகள் தொடர்பான பிரச்சினைகள் குறித்து ஆராய்வதற்காக குழுவொன்று நியமிக்கப்பட்டுள்ளதாக அமைச்சு விசேட அறிவித்தல் ஒன்றை விடுத்துள்ளது.
பல்கலைக்கழக சேவைகளுக்கு இடையூறு ஏற்படாத வகையில்
எனவே, பல்கலைக்கழக சேவைகளுக்கு இடையூறு ஏற்படாத வகையில் அனைத்து பல்கலைக்கழக கல்விசாரா ஊழியர்களும் தமது பிரச்சினைகள் மற்றும் பரிந்துரைகளை நிபுணர் குழுவிடம் சமர்ப்பிக்குமாறு அமைச்சு கேட்டுக் கொண்டுள்ளது.
கல்விசாரா ஊழியர்களின் சம்பள முரண்பாடுகள் குறித்து
இந்த ஆண்டுக்கான நிதியைப் பெறுவதற்கான முறைமை இல்லாததால்,இந்த சிக்கல்களுக்கு தீர்வு காணும் வகையில் அனைத்து பல்கலைக்கழக கல்விசாரா ஊழியர்களின் சம்பள முரண்பாடுகள் குறித்து ஆய்வு செய்வதற்கு நிபுணர் குழுவொன்றை நியமித்து, அதற்கான அனைத்து தீர்வுகள் மற்றும் முன்மொழிவுகள் உட்பட பரிந்துரைகளை வழங்குமாறு அதிபர் அமைச்சரவைக்கு ஆலோசனை வழங்கியதாக கல்வி அமைச்சு தெரிவித்துள்ளது.
குறிப்பாக இந்த சிக்கல்களுக்கு உரிய தீர்வு 2025 பட்ஜெட் முன்மொழிவுகளில் கிடைக்கும் வகையில் ஏற்பாடு செய்யப்பட்டுள்ளதாகவும் தெரிவிக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
