பிரான்ஸில் விழுந்து நொருங்கியது விமானம் : மாணவர்கள் உட்பட 11 பேர் பலி

France Plane Crash Death

By Jaso Jun 28, 2026 03:04 PM GMT

Jaso

in பிரான்ஸ்

Report

கிழக்கு பிரான்சின் டோம்ப்லைன் நகரில் ஸ்கைடைவர்ஸை( (Skydiver) ஏற்றிச் சென்ற பயணிகள் விமானம் விபத்துக்குள்ளானதில் பதினொரு பேர் உயிரிழந்ததாக உள்ளூர் அதிகாரிகள் தெரிவித்தனர்.

இந்தச் சம்பவத்தில் விமானி மற்றும் 10 பயணிகள் உயிரிழந்தனர், அவர்களில் ஐந்து மாணவர்கள் மற்றும் ஐந்து பயிற்றுனர்களும் அடங்குவர் என்று உள்ளூர் அதிகாரிகள் தெரிவித்தனர்.

விமான நிலையத்திலிருந்து புறப்பட்டபோது விபத்து

ஒரு பாராசூட் பயிற்சிப் பள்ளியால் பயன்படுத்தப்பட்டு வந்த அந்த விமானம், நான்சி-எஸ்ஸி விமான நிலையத்திலிருந்து புறப்பட்டபோது விபத்துக்குள்ளானதாக உள்ளூர் ஊடகங்கள் செய்தி வெளியிட்டுள்ளன.

பிரான்ஸில் விழுந்து நொருங்கியது விமானம் : மாணவர்கள் உட்பட 11 பேர் பலி | Eleven Killed After Plane Crashes In France

இந்த விபத்தை அடுத்து மெர்த்-எட்-மொசெல் மாகாணத்தில் உள்ள விமான நிலையத்தைச் சுற்றியுள்ள பகுதிகளைத் தவிர்க்குமாறு காவல்துறை பொதுமக்களை வலியுறுத்தியுள்ளது.

பிரெஞ்சு உள்துறை அமைச்சர் சம்பவ இடத்திற்குச் சென்று கொண்டிருப்பதாக உள்துறை அமைச்சகம் தெரிவித்துள்ளது.

பொதுமக்கள் யாரும் காயமடையவில்லை

இந்தச் சம்பவத்தில் பொதுமக்கள் யாரும் காயமடையவில்லை என்று மெர்த்-எட்-மொசெல் கிழக்கு மாகாணத்தின் ஆளுநர் ஈவ்ஸ் செகுய் கூறியதாக ஏஎஃப்பி செய்தி நிறுவனம் தெரிவித்துள்ளது.