சிறிலங்கா கடற்படையினரை செங்கடலுக்கு அனுப்பும் ரணிலின் தீர்மானம்! வலுக்கும் எதிர்ப்புகள்
செங்கடலைப் பாதுகாப்பதற்கு சிறிலங்கா கடற்படையினரை ஈடுபடுத்தும் தீர்மானம் தொடர்பில் அதிபர் தெரிவித்த கருத்துக்கு கொழும்பு மாநகர சபையின் முன்னாள் உறுப்பினர் கலீலுர் ரஹ்மான் எதிர்ப்பு தெரிவித்துள்ளார்.
அந்த தீர்மானத்தின் மூலம் பலஸ்தீன மக்களின் சுதந்திரப் போராட்டம் தொடர்பான அண்மைக்கால நிலைப்பாடு மற்றும் சித்தாந்தம் தொடர்பில் அதிபர் ரணில் விக்ரமசிங்க முரண்படுகின்றார் என அவர் மேலும் குறிப்பிட்டுள்ளார்.
இது குறித்து கலீலுர் ரஹ்மான் அறிக்கை ஒன்றை வெளியிட்டுள்ளார். அந்த அறிக்கையில் குறிப்பிடப்பட்டுள்ள விடயங்களாக
பலஸ்தீன விடுதலைப்போர்
''அதிபரின் தீர்மானம் தொடர்பில் நாடாளுமன்றத்தின் பெரும்பான்மை சம்மதத்தை ஆராய்ந்தால் பலஸ்தீன விடுதலைப்போர் தொடர்பில் இரட்டை வேடம் போடும் அரசியல் சக்திகளின் அப்பட்டமான நிலையை காணமுடியும்.
மேலும், செங்கடலைப் பாதுகாக்க கடற்படையை நிறுத்துவதற்கு முன், அதிபர் நாடாளுமன்றத்தைக் கூட்டினால், இது தொடர்பாக கட்சிகள் மற்றும் எதிர்க்கட்சிகளின் கருத்துக்களைக் கேட்டு, மூன்றில் இரண்டு பெரும்பான்மையுடன் கடற்படையை நிலைநிறுத்த முடிவு செய்தால், முற்போக்கு மக்கள் பலஸ்தீன சுதந்திரப் போராட்டம் தொடர்பாக இரட்டை மனப்பான்மை கொண்ட அரசியல் சக்திகளின் அப்பட்டமான நிலையை இந்நாட்டால் பார்க்க முடியும்.
இலங்கையில் ஏற்பட்டுள்ள பொருளாதார நெருக்கடிக்கு தீர்வு காண முடியாத சூழலில், இலட்சக்கணக்கான தொழிலாளர்கள் வேலை செய்கிறார்கள் என்பதை அறியாமல் இவ்வாறான தீர்மானங்களை மேற்கொள்வதன் மூலம் நாட்டின் பொருளாதார வளர்ச்சி சவால்கள் மற்றும் இலட்சியங்களை நிறைவேற்ற முடியாது.
ஹவுதி கிளர்ச்சியாளர்கள்
அதிபர் ரணில் விக்ரமசிங்க உலக புவியியல் அரசியலில் முதிர்ச்சியடைந்தவர், நாட்டின் பொருளாதார அபிவிருத்தியில் கவனம் செலுத்தி 75 வருட அரசியல் அதிகாரப் பகிர்வு பிரச்சினையை தீர்த்து இலங்கையை தெற்காசியாவில் வலுவான நாடாக மாற்றும் முயற்சிகளை மேற்கொள்ள வேண்டும்.
செங்கடல் வழித்தடத்தை கிளர்ச்சியாளர்கள் தடுத்து, பலஸ்தீன மக்களை மரணத்திலிருந்து காப்பாற்றும் மனித முகத்தை எதிர்க்க வேண்டாம்.
பலஸ்தீன மக்களின் 75 ஆண்டுகால சுதந்திரப் போராட்டத்திற்காக, ஹவுதி கிளர்ச்சியாளர்கள் இன்று பேரம் பேசும் நோக்கில் எடுத்து வரும் போரில் மத்திய கிழக்கு நாடுகள் தலையிடாதது போல மௌன நடைமுறையை கடைப்பிடிப்பதே இலங்கை முற்போக்கு மக்களின் எண்ணம்.'' என அந்த அறிக்கையில் குறிப்பிடப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
பருத்தித்துறை, ஓமான், Oman, India, London, United Kingdom
06 Mar, 2024
