நீதிமன்றை ஏமாற்றிய கபில சந்திரசேனவின் உருட்டு அம்பலம்
முன்னாள் ஸ்ரீலங்கன் ஏர்லைன்ஸ் தலைமை நிர்வாக அதிகாரி கபில சந்திரசேனவுக்குப் பிணை வழங்குவதற்காக உறவினர்கள் போல் நடித்த இரு நபர்களை 13ஆம் திகதி வரை விளக்கமறியலில் வைக்குமாறு கொழும்பு பிரதான நீதவான் நீதிமன்றம் உத்தரவிட்டது.
பிணை நிபந்தனைகளின்படி, கபில சந்திரசேனவின் மூன்று உறவினர்கள் நேரில் வந்து பிணை வழங்க வேண்டியிருந்தது. மேலும், சந்தேக நபர்கள் உறவினர்கள் போல் நடிப்பதற்காக தலா ரூ. 15,000 பெற்றிருந்ததும் தெரியவந்துள்ளது.
கபில சந்திரசேனவை மீண்டும் கைது செய்ய உத்தரவு
பிணை நிபந்தனைகளை மீறியதற்காகவும், நீதிமன்றத்தின் நம்பிக்கையை மீறியதற்காகவும் கபில சந்திரசேனவை மீண்டும் கைது செய்து நீதிமன்றத்தில் முற்படுத்துமாறு கொழும்பு பிரதான நீதவான் நீதிமன்றம் இன்று உத்தரவிட்டது.
ஏர்பஸ் விமானங்களை வாங்குவதில் இலஞ்சம் பெற்றதாகக் கூறப்படும் சம்பவம் தொடர்பாகக் காவலில் வைக்கப்பட்டிருந்த ஸ்ரீலங்கன் ஏர்லைன்ஸ் நிறுவனத்தின் முன்னாள் தலைமைச் செயல் அதிகாரி கபில சந்திரசேனவை, ரூ. 500,000 ரொக்கப் பிணையிலும், மூன்று நெருங்கிய உறவினர்களிடமிருந்து ரூ. 100,000 தனிநபர் பிணையிலும் விடுவிக்குமாறு கொழும்பு பிரதான நீதிபதி அசங்க எஸ். போதரகம நேற்று முன்தினம்5ஆம் திகதி உத்தரவிட்டார்.
பணத்திற்காக பிணை எடுக்க வந்த போலி உறவினர்கள் கைது
அதன்படி, சம்பந்தப்பட்ட பிணைத்தொகையைச் செலுத்துவதற்காக மூன்று நபர்கள் நேற்று நீதிமன்றத்தில் முன்னிலையாகினர். பிணையதாரர்களில் இருவர் மீது சந்தேகம் எழுந்ததால், நீதிமன்ற ஊழியர்கள் அளித்த புகாரின் பேரில் கெசல்வத்தை காவல்துறையினர் அவர்களை கைது செய்தனர்.
தங்களுக்கு கபில சந்திரசேனவைத் தெரியாது என்றும், பிணையதாரர்களாக தலா ரூ. 15,000 பெற்றுள்ளதாகவும் அவர்கள் தெரிவித்துள்ளனர். சந்தேக நபர்களுக்கு குறிப்பிட்ட வேலையோ அல்லது வருமான ஆதாரமோ இல்லை என்று விசாரணையில் தெரியவந்துள்ளது.
அதன்படி, அலுத்கடே நீதிமன்ற வளாகத்திற்கு அருகிலுள்ள சஞ்சியாராச்சி வட்டப் பகுதியைச் சேர்ந்த இரு சந்தேக நபர்களை 13ஆம் திகதி வரை விளக்கமறியலில் வைக்குமாறு நீதிமன்றம் உத்தரவிட்டது.
மேலும், பிணையில் வெளிவருவதற்காக அவர்கள் பெற்ற கிராம அலுவலர் சான்றிதழ்கள் குறித்து விசாரணை நடத்தி அறிக்கை சமர்ப்பிக்குமாறும் நீதவான் உத்தரவிட்டார்.
நீதிமன்றின் உத்தரவு
இதற்கிடையில், பிணையில் வெளிவந்துள்ள ஸ்ரீலங்கன் ஏர்லைன்ஸ் நிறுவனத்தின் முன்னாள் தலைமைச் செயல் அதிகாரி கபில சந்திரசேனாவைக் கைது செய்து முற்படுத்துமாறு கொழும்பு நீதவான் நீதிமன்றம் இன்று உத்தரவிட்டது.
பிணை நிபந்தனைகளை மீறியதற்காகவும், நீதிமன்றத்தின் நம்பிக்கையை மீறியதற்காகவும் அவரைக் கைது செய்ய பிடியாணை பிறப்பிக்குமாறு இலஞ்ச ஆணைக்குழு விடுத்த கோரிக்கையைப் பரிசீலித்தபோது இந்த உத்தரவு பிறப்பிக்கப்பட்டது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
தெல்லிப்பழை, உருத்திரபுரம், Cergy, France, Coventry, United Kingdom
13 May, 2022
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
