தமிழர் பகுதியில் சோகம் : உழவு இயந்திரம் ஓட்டிச் சென்ற குடும்பஸ்தர் விழுந்து உயிரிழப்பு!

Sri Lanka Police Mullaitivu Accident

By Laksi Apr 01, 2024 05:36 PM GMT

Laksi

in விபத்து

Report

முல்லைத்தீவு புதுக்குடியிருப்பு பிரதேசத்திற்கு உட்பட்ட குரவில் பகுதியில் உழவு இயந்திரம் ஓட்டிச் சென்ற குடும்பஸ்தர் வலிப்பு வந்து விழுந்து உயிரிழந்துள்ளார்.

இச்சம்பவம் இன்று(1) மாலை இடம்பெற்றுள்ளது.

வெள்ளப்பள்ளம் உடையார் கட்டுபகுதியினை சேர்ந்த 31 வயதுடைய இரண்டு பிள்ளைகளின் தந்தையே இவ்வாறு உயிரிழந்துள்ளார்.

உழவு இயந்திரம் சாரதியின் மேல் ஏறி விபத்து

இந்த சம்பவம் தொடர்பில் மேலும் தெரியவருகையில்,குறித்த நபர் குரவில் பகுதியில் உழவு இயந்திரத்தினை ஓட்டிசென்ற வேளை வலிப்பு ஏற்பட்டு உழவு இயந்திரத்தில் இருந்து தூக்கி வீசப்பட்டுள்ளார்.

இந்நிலையில், உழவு இயந்திரம் குறித்த சாரதியின் மேல் ஏறி விபத்தினை ஏற்படுத்தியுள்ளது.

தமிழர் பகுதியில் சோகம் : உழவு இயந்திரம் ஓட்டிச் சென்ற குடும்பஸ்தர் விழுந்து உயிரிழப்பு! | Family Member Driving A Plow Died In Mullaitivu

இந்த விபத்தில் படுகாயமடைந்த குடும்பஸ்தர் புதுக்குடியிருப்பு ஆதார வைத்தியசாலைக்கு கொண்டுசெல்லப்பட்ட போது உயிரிழந்துள்ளார்.

காவல்துறையினர் விசாரணை

இந்த விபத்து சம்பவம் குறித்து புதுக்குடியிருப்பு காவல்துறையினர் விசாரணைகளை மேற்கொண்டு வருகின்றார்கள்.

உயிரிழந்தவரின் சடலம் புதுக்குடியிருப்பு வைத்தியசாலையில் வைக்கப்பட்டுள்ளதுடன் விசாரணைகள், பிரேத பரிசோதனைகளின் பின்னர் உறவினர்களிடம் ஒப்படைக்கப்படவுள்ளது.