இந்தியா செல்கிறார் பைடன் - மோடியுடன் சந்திப்பு
ஜி20 மாநாட்டில் பங்கேற்க இந்தியா செல்லும் அமெரிக்க அதிபர் ஜோ பைடன் பிரதமர் நரேந்திர மோடியைச் சந்தித்து ஆலோசனை நடத்தவுள்ளார்.
ஆர்ஜண்டினா, அவுஸ்திரேலியா, பிரேசில், கனடா, சீனா, பிரான்ஸ், ஜெர்மனி, இந்தியா, இந்தோனேசியா, இத்தாலி, ஜப்பான், தென்கொரியா, மெக்சிகோ, ரஷ்யா, சவுதி அரேபியா, தென்னாபிரிக்கா, துருக்கி, இங்கிலாந்து, அமெரிக்கா மற்றும் ஐரோப்பிய யூனியன் நாடுகளை உள்ளடக்கிய கூட்டமைப்பு ஜி20 என அழைக்கப்படுகிறது.
ஜி20 நாடுகளின் உச்சிமாநாடு
ஜி20 நாடுகளின் உச்சிமாநாடு வரும் 9 மற்றும் 10ம் திகதி டெல்லியில் நடைபெறவுள்ளது. இந்த மாநாட்டில் ஜி20 நாடுகளின் தலைவர்கள் பங்கேற்கவுள்ளனர்.
இந்தியா தலைமையில் நடைபெற உள்ள ஜி20 உச்சிமாநாட்டில் அமெரிக்க அதிபர் ஜோ பைடன் உட்பட பல்வேறு நாட்டுத தலைவர்கள் பங்கேற்கவுள்ளனர்.
ஜி20 மாநாட்டில் பங்கேற்பதற்காக வரும் 7ம் திகதி அமெரிக்க அதிபர் ஜோ பைடன் இந்தியா செல்லவுள்ளார். இதனை வெள்ளைமாளிகை அதிகாரபூர்வமாக அறிவித்துள்ளது.
பைடன் - மோடி சந்திப்பு
மேலும், 8ஆம் திகதி அதிபர் ஜோ பைடன் இந்தியப் பிரதமர் மோடியைச் சந்திப்பார் எனவும் தெரிவிக்கப்பட்டுள்ளது.
இந்த சந்திப்பின் போது இந்தியா - அமெரிக்கா இடையேயான உறவு, வர்த்தகம் உட்பட பல்வேறு விவகாரங்கள் குறித்து ஜோ பைடன் மற்றும் மோடி ஆலோசனை நடத்த உள்ளனர் என வெள்ளைமாளிகை தெரிவித்துள்ளது.
புங்குடுதீவு 10ம் வட்டாரம், Langenthal, Switzerland
12 Oct, 2020
இணுவில், Markham, Canada
12 Oct, 2022
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
அல்வாய் தெற்கு, Montreuil, France, London, United Kingdom
25 Sep, 2025
