ஞானசார தேரருக்கு மன்னிப்பு வழங்காவிட்டால் அநுர பதவி விலக வேண்டும் : எச்சரிக்கும் கஸ்ஸப தேரர்!

கலகொட அத்தே ஞானசார தேரருக்கு நிபந்தனையற்ற ஜனாதிபதி மன்னிப்பு வழங்கப்படாவிட்டால், ஜனாதிபதி உடனடியாகத் தனது பதவியிலிருந்து விலக வேண்டும் என்று பலாங்கொட கஸ்ஸப தேரர் வலியுறுத்தியுள்ளார்.

கொழும்பில் உள்ள ஜனாதிபதி செயலகத்திற்கு முன்னால் ஆர்ப்பாட்டங்களை நடத்துவதற்குத் தடை விதித்து, கோட்டை நீதவான் நீதிமன்றம் இன்று (16) பிறப்பித்த விசேட உத்தரவைத் தொடர்ந்து அவர் இவ்வாறு கருத்துத் தெரிவித்தார்.

இது குறித்து அவர் மேலும் தெரிவிக்கையில், கண்டியிலிருந்து கொழும்பு வரை காட்டில் வசிக்கும் துறவிகள் மற்றும் கிராமங்களில் வசிக்கும் துறவிகள் என ஆயிரத்திற்கும் மேற்பட்ட பௌத்த பிக்குகள் பங்கேற்ற இந்த எதிர்ப்புப் பேரணி முன்னெடுக்கப்பட்டது.

காவல்துறை பேருந்து வந்தவுடன் கலைந்து சென்ற போராட்டக்காரர்கள்! முடிவுக்கு வருகிறது ஞானசார ஆதரவு போராட்டம்

பௌத்த பிக்குகளுக்கு எதிரான நடவடிக்கை 

அரசியலமைப்பின் 9வது பிரிவில் குறிப்பிடப்பட்டுள்ளபடி, 'புத்த சாசனத்தைப்' பாதுகாத்து வளர்க்க வேண்டிய அரசாங்கத்தின் பொறுப்பை ஜனாதிபதிக்கு நினைவூட்டுவதே இதன் முக்கிய நோக்கமாகும்.

அரசியலமைப்பின் 34(1) பிரிவின் கீழும், இந்த அரசாங்கப் பொறுப்பின் அடிப்படையிலும் ஞானசார தேரருக்கு ஜனாதிபதி மன்னிப்பு வழங்கப்பட வேண்டும்.

அமைதியான முறையில் 'பிரித்' ஓதியும், தியானத்தில் ஈடுபட்டபடியும் தங்கள் கோரிக்கைகளை முன்வைக்க வந்த பௌத்த பிக்குகளுக்கு எதிராக, காவல்துறையினரும் பெலவத்த அலுவலகத்தைச் சேர்ந்த பணியாளர்களும் வன்முறையைத் தூண்டும் வகையில் தடைகளை ஏற்படுத்தினர்.

இருப்பினும், இத்தகைய பதற்றமான சூழல் தீவிரமடையாமல் நாங்கள் தடுத்து நிறுத்தினோம், நாங்கள் விரும்பியிருந்தால் கொழும்பு நகரத்தையே முற்றிலுமாக முடக்கும் திறன் பிக்குகளுக்கு இருந்திருக்கும். நாங்கள் சட்டபூர்வமான மற்றும் அரசியலமைப்புக்கு உட்பட்ட வழிகளிலேயே செயற்படுகின்றோம்.

இதற்கிடையில், பௌத்த துறவிகளின் உடை  மற்றும் 'புத்த சாசனம்' அவமதிக்கப்படுவது கண்டனத்திற்குரியது. பேருந்துகள் மற்றும் பிற வாகனங்களில் பயணிக்கும் சிலர், காவல்துறையினர் முன்னிலையிலேயே பௌத்த பிக்குகளை ஏளனம் செய்கின்றனர். இத்தகைய நடத்தையை இனிமேலும் பொறுத்துக்கொள்ள முடியாது.

ஞானசார தேரருக்கு எதிராக திரளும் பிக்குகள் - பௌத்த துறவிகளின் காவி உடையில் இனவாதச் சதிவலை

அரசாங்கம் சட்ட நடவடிக்கை 

நேர்மையான ஊடகவியலாளர்கள் மீது தமக்கு எவ்வித அதிருப்தியும் இல்லை, ஒரு அறையில் அமர்ந்து கொண்டு, கமரா மற்றும் அலைபேசியைப் பயன்படுத்தி, ஆபாசமான சொற்களைக் கொண்டு பௌத்த பிக்குகளை அவதூறு செய்யும் சமூக ஊடகச் செயற்பாட்டாளர்கள் மீது அரசாங்கம் உடனடியாகச் சட்ட நடவடிக்கை எடுக்க வேண்டும்.

ஞானசார தேரருக்கு ஆதரவாக ஒரு முக்கிய அடையாள முன்னெடுப்பைத் தொடங்கப்போகின்றோம். ஞானசார தேரரின் துறவற உடைகள்  பறிக்கப்பட்டிருக்கும் நிலையில், ஒரு இலட்சம் புதிய துறவற உடைகளைத் தைத்து, சாயமிட்டுத் தயாரிக்கும் பணி நடைபெற்று வருகின்றது.

ஞானசார தேரர் நிபந்தனையின்றி விடுதலை செய்யப்படும்போது, ​​அந்த உடைகளில் ஒன்றை அவருக்குத் நாமே நேரில் வழங்கப்போகின்றோம்,  இந்த நற்காரியத்தில் உள்நாட்டிலும் வெளிநாட்டிலும் உள்ள ஒட்டுமொத்த பௌத்த சமூகத்தினரும் இணைந்து கொள்ளுமாறு அழைப்பு விடுக்கின்றோம்” என தெரிவித்தார்.

ஞானசாரர் ஆதரவு போராட்டத்துக்கு விதிக்கப்பட்ட தடை : நீதிமன்ற அறிக்கையை கசக்கி எறிந்த போராட்டக்காரர்கள்

you may like this