ஞானசார தேரரின் எஞ்சிய சிறைத்தண்டனை : நீதிமன்றம் பிறப்பித்த அதிரடி உத்தரவு

புதிய இணைப்பு

நீதிமன்ற அவமதிப்புக் குற்றச்சாட்டில் குற்றவாளியாகக் காணப்பட்டு தண்டனை விதிக்கப்பட்ட கலகொட அத்தே ஞானசார தேரருக்கு விதிக்கப்பட்ட சிறைத்தண்டனையின் எஞ்சிய காலப்பகுதியை நடைமுறைப்படுத்துவதற்குத் தேவையான நடவடிக்கைகளை எடுக்குமாறு உத்தரவிடப்பட்டுள்ளது.

மேன்றையீட்டு நீதிமன்றம் இன்று (5) இந்த உத்தரவைப் பிறப்பித்துள்ளது.

அதற்கமைய, முன்னதாக விதிக்கப்பட்ட 6 வருட கடூழிய சிறைத் தண்டனையில் எஞ்சி இருக்க கூடிய 5 வருடங்களையும் மீள தண்டனைக் காலமாக உறுதிப்படுத்தி மேன்முறையீட்டு நீதிமன்றம் உத்தரவிட்டுள்ளது.

கைதுசெய்யப்படுவதற்காகத் திறந்த பிடியாணை பிறப்பிக்கப்பட்டிருந்த ஞானசார தேரர், சிறைச்சாலை அதிகாரிகளால் இன்று மேன்றையீட்டு நீதிமன்றத்தில் முன்னிலைப்படுத்தப்பட்டார்.

இதன்போது முன்வைக்கப்பட்ட விடயங்களை ஆராய்ந்த நீதியரசர்கள் குழாம் ஞானசார தேரருக்கு விதிக்கப்பட்ட தண்டனையின் எஞ்சிய காலப்பகுதியைச் சிறையில் நடைமுறைப்படுத்துவதற்குத் தேவையான நடவடிக்கைகளை எடுக்குமாறு சிறைச்சாலைகள் ஆணையாளர் நாயகத்துக்குப் பணிப்புரை விடுத்துள்ளது.

இரண்டாம் இணைப்பு

சற்றுமுன்னர் நீதிமன்றுக்கு அழைத்துவரப்பட்ட ஞானசார தேரர்!

பிடியாணை உத்தரவின் அடிப்படையில் கைது செய்யப்பட்டு விளக்கமறியலில் வைக்கப்பட்டுள்ள பொதுபல சேனா அமைப்பின் பொதுச் செயலாளர் கலகொடஅத்தே ஞானசார தேரர், சற்றுமுன்னர் மேன்முறையீட்டு நீதிமன்றத்திற்கு அழைத்து வரப்பட்டுள்ளார்.

நீதிமன்ற அவமதிப்பு வழக்கு ஒன்றிற்கு அமைவாக மேன்முறையீட்டு நீதிமன்றத்தினால் ஞானசார தேரருக்கு எதிராக அண்மையில் திறந்த பிடியாணை பிறப்பிக்கப்பட்டிருந்தது.

குறித்த பிடியாணை தொடர்பில் தேரரை நீதிமன்றத்தில் முன்னிலைப்படுத்துவதற்காகவே சிறைச்சாலை அதிகாரிகளால் அவர் இவ்வாறு நீதிமன்றத்துக்கு அழைத்து வரப்பட்டுள்ளார்.  

முதலாம் இணைப்பு

இன்று மீண்டும் நீதிமன்றத்தில் முன்னிலைப்படுத்தப்படவுள்ள ஞானசார தேரர்!

விளக்கமறியலில் வைக்கப்பட்டுள்ள பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரர் இன்று (5) மேன்முறையீட்டு நீதிமன்றத்தில் முன்னிலைப்படுத்தப்படவுள்ளதாக தகவல் வெளியாகியுள்ளது.

நீதிமன்றத்தால் திறந்த பிடியாணை பிறப்பிக்கப்பட்டதையடுத்து கைது செய்யப்பட்ட அவரை, இன்று வரை விளக்கமறியலில் வைக்குமாறு கொழும்பு மேலதிக நீதவான் நேற்று (4) உத்தரவு பிறப்பித்தார்.

ஊடகவியலாளர் பிரகீத் எக்னெலிகொட காணாமல் ஆக்கப்பட்டமை தொடர்பான வழக்கு 2016 ஆம் ஆண்டு ஜனவரி 25 ஆம் திகதி ஹோமாகம நீதவான் நீதிமன்றத்தில் விசாரணைக்கு எடுத்துக்கொள்ளப்பட்டது.

கப்ராலுக்கு எதிரான கிரேக்க பிணைமுறி சட்டப்போரில் முக்கிய தீர்ப்பு இன்று

ஜனாதிபதி பொதுமன்னிப்பு

இதன்போது, நீதிமன்றத்தின் அனுமதியின்றி உரையாற்றியமை மற்றும் நீதிமன்றத்தை அவமதிக்கும் வகையில் நடந்து கொண்டமை தொடர்பில் அப்போதைய ஹோமாகம நீதவானால் மேன்முறையீட்டு நீதிமன்றத்தில் முறைப்பாடு செய்யப்பட்டது.

இந்த முறைப்பாட்டை விசாரித்த அப்போதைய மேன்முறையீட்டு நீதிமன்ற நீதியரசர் ப்ரீத்தி பத்மன் சூரசேன தலைமையிலான நீதியரசர்கள் குழாம், 2018 ஆம் ஆண்டு மே 24 ஆம் திகதியன்று தேரரை குற்றவாளியாகக் கண்டு, 6 வருடங்களில் அனுபவித்து முடிக்கும் வகையில் 19 வருட கடூழியச் சிறைத்தண்டனை விதித்தது.

இருப்பினும், 2019 ஆம் ஆண்டு மே 23 ஆம் திகதி அப்போதைய ஜனாதிபதி மைத்திரிபால சிறிசேன அவருக்கு ஜனாதிபதி பொதுமன்னிப்பு வழங்கி அவரை விடுவித்தார்.

கண்முன்னே தூக்கி வீசப்பட்டது..! தடம் புரண்ட கொழும்பு நோக்கி சென்ற தொடருந்து

சந்தியா எக்னெலிகொட தாக்கல் செய்த மனு

இதற்கு எதிராக பிரகீத் எக்னெலிகொடவின் மனைவி சந்தியா எக்னெலிகொட உள்ளிட்ட தரப்பினர் தாக்கல் செய்த அடிப்படை உரிமைகள் மனுவை விசாரித்த உயர் நீதிமன்றம், குறித்த ஜனாதிபதி பொதுமன்னிப்பு சட்டத்துக்கு முரணானது என அண்மையில் தீர்ப்பளித்தது.

பொதுமன்னிப்பு இரத்து செய்யப்பட்ட போதிலும் தேரர் நீதிமன்றத்தில் முன்னிலையாகததால், சட்டமா அதிபரின் கோரிக்கைக்கு அமைய மேன்முறையீட்டு நீதிமன்றம் அவரைக் கைது செய்வதற்கான திறந்த பிடியாணையைப் பிறப்பித்ததுடன், அவரது வெளிநாட்டுப் பயணங்களுக்கும் தடை விதித்தது.

இந்தநிலையில் குறித்த பிடியாணைக்கு அமைய, கடந்த 3 ஆம் திகதி இரவு களுத்துறை, தீனியாவல பிரதேசத்தில் வைத்து கொழும்பு குற்றத்தடுப்புப் பிரிவு அதிகாரிகளால் ஞானசார தேரர் கைது செய்யப்பட்டமை குறிப்பிடத்தக்கது.

தியாக தீபத்தின் சிலை விவகாரம்! நால்வருக்கு காவல்துறையினர் அழைப்பாணை