யாழில் மர்ம நபர்களால் வீடுடைத்து தங்க நகைகள் கொள்ளை
யாழ். அச்சுவேலி (Achchuveli) காவல்துறை பிரிவிற்குட்பட்ட வீடொன்றில் இருந்து தங்க நகைகள் திருடப்பட்ட சம்பவம் இடம்பெற்றுள்ளதாக தெரிவிக்கப்படுகின்றது.
குறித்த திருட்டு சம்பவமானது யாழ். (jaffna) அச்சுவேலி பத்தமேனி பகுதியில் உள்ள வீடொன்றின் இடம்பெற்றுள்ளதாக காவல்துறையினர் தெரிவித்துள்ளனர்.
இச் சம்பவம் தொடர்பில் மேலும் தெரியவருவதாவது, பத்தமேனி பகுதியில் உள்ள வீடொன்றின் கதவினை உடைத்து உள்நுழைந்த மர்ம நபர்கள், வீட்டில் பாதுகாப்பாக வைக்கப்பட்டிருந்த தங்க நகைகளை கொள்ளையடித்து சென்றுள்ளனர்.
நகைகள் கொள்ளை
வீட்டில் இருந்தவர்கள் வீட்டை பூட்டி விட்டு வெளியே சென்ற போதே இந்த சம்பவம் இடம்பெற்றுள்ளது.
இந்நிலையில் வீட்டார் வீடு திரும்பிய போதே , வீட்டின் கதவு உடைக்கப்பட்டு நகைகள் கொள்ளையடிக்கப்பட்ட விடயம் தெரியவந்துள்ளது.
குறித்த கொள்ளை சம்பவம் தொடர்பில் அச்சுவேலி காவல் நிலையத்தில் வீட்டார் முறைப்பாடு செய்துள்ள நிலையில் காவல்துறையினர் விசாரணைகளை முன்னெடுத்துள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
வேலணை மேற்கு, வரக்காப்பொல, கிருலப்பனை, பரிஸ், France, Scarborough, Canada
26 Jun, 2024
