பதவியை துறக்க தயார்! இணங்கினார் கோட்டாபய - தென்னிலங்கை ஊடகங்கள் தகவல்
இலங்கை முழுவதும் போராட்டங்கள் வலுவடைந்துள்ள நிலையில், சிறிலங்கா அரச தலைவர் கோட்டாபய ராஜபக்ச பதவி விலகுவதற்கு இணங்கியுள்ளதாக அரசியல் வட்டாரங்களை மேற்கோள்காட்டி தகவல்கள் வெளியாகியுள்ளன.
இந்த நிலையில், தற்போதைய நெருக்கடி நிலையில் பதில் அரச தலைவர் ஒருவரை நியமிப்பது குறித்து உயர்மட்ட ஆலோசனை நடந்துவருவதாகவும் தகவல்கள் தெரிவிக்கின்றன.
நாட்டில் கடும் எதிர்ப்பு மற்றும் சர்வதேச சமூகத்தின் பலத்த நிராகரிப்புக்கு மத்தியில் தனது பதவியிலிருந்து விலக கோட்டாபய ராஜபக்ஷ தீர்மானித்துள்ளார் என தென்னிலங்கை ஊடகங்கள் தகவல் வெளியிட்டுள்ளன. அதற்கான திட்டத்தை நேற்று இரவு அவர் தனக்கு நெருங்கியவர்களிடம் அறிவித்துள்ளார்.
அதற்கமைய, தற்போது அக்குரேகொட இராணுவத் தலைமையக முகாமில் உள்ள பதுங்குகுழியில் தங்கியுள்ள கோட்டாபய இன்று டுபாய் செல்லவுள்ளார் என்றும் அந்த செய்திகளில் குறிப்பிடப்பட்டுள்ளது.
டுபாயில் இருந்து தனது பதவி விலகல் தொடர்பான அறிவிப்பை எதிர்வரும் 12ஆம் திகதி அறிவிக்கவுள்ளார் என தெரியவந்துள்ளது.
இதேவேளை, பிரதமர் இரண்டு வார காலத்திற்கு பதில் அரச தலைவ உத்தியோகபூர்வமாக நியமிக்கப்படுவார், அதன் போது நிரந்தர நபர் ஒருவரை தற்காலிக அரச தலைவர் பதவிக்கு நாடாளுமன்றம் நியமிக்க வேண்டும் என்றும் தகவல்கள் வெளியாகியுள்ளன.
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
