எமது கோரிக்கையின் பிரகாரமே கோட்டாபய நாடு திரும்பினார் - அவரை நாடாளுமன்ற உறுப்பினராக்குவோம்!
சொந்த நாடு இருக்கும்போது முன்னாள் அதிபர் கோட்டாபய ராஜபக்ச ஏன் நாட்டைவிட்டு வெளியேற வேண்டும்? எமது கோரிக்கையின் பிரகாரம் அவர் தற்போது நாடு திரும்பியுள்ளார் என அமைச்சர் பிரசன்ன ரணதுங்க தெரிவித்துள்ளார்.
அத்துடன், மீண்டும் அரசியலுக்கு வர அவர் இணக்கம் தெரிவித்தால் அவரை முதலில் தேசியப்பட்டியல் ஊடாக நாடாளுமன்ற உறுப்பினராக்குவோம் எனவும் பிரசன்ன ரணதுங்க தெரிவித்தார்.
ஊடக சந்திப்பொன்றில் கருத்துரைக்கும் போதே அமைச்சர் இந்த விடயத்தினை குறிப்பிட்டார்.
கைவிடமாட்டோம்
தொடர்ந்து கருத்துரைத்த அவர், " முன்னாள் அதிபர் கோட்டாபய ராஜபக்ச நாடு திரும்பியமைக்கு எதிராக எவரும் குரல் எழுப்ப முடியாது. அவரைக் கைது செய்யுமாறும் எவரும் அழுத்தம் கொடுக்கவும் முடியாது.
கோட்டாபய ராஜபக்சவை அதிபர் பதவியிலிருந்து விலகி வீடு செல்லுமாறே ஆர்ப்பாட்டக்காரர்கள் அன்று கோரினர். அவரை நாட்டைவிட்டு வெளியேறுமாறோ அல்லது வெளிநாட்டில் தங்குமாறோ எவரும் கோரவில்லை.
அவருக்கு முன்னாள் அதிபருக்குரிய அனைத்துச் சலுகைகளையும் எமது அரசு வழங்குகின்றது. அவர் இந்நாட்டில் சுதந்திரமாக நடமாட முடியும். போதிய பாதுகாப்பு வசதிகளையும் அவருக்கு அரசு வழங்கும்.
மக்களின் அமோக ஆணை பெற்று அதிபராக பதவி வகித்த கோட்டாபய ராஜபக்சவை அரசு என்ற ரீதியில் நாம் ஒருபோதும் கைவிடமாட்டோம்" எனக் குறிப்பிட்டார்.
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
கல்வியங்காடு, கட்டப்பிராய், மதுரை, தமிழ்நாடு, India, Gants Hill, United Kingdom
07 Aug, 2026
புங்குடுதீவு 3ம் வட்டாரம், வட்டக்கச்சி இராமநாதபுரம், வைரவபுளியங்குளம்
18 Jul, 2026
சரவணை, கொய்யாத்தோட்டம், யாழ்ப்பாணம், Osterode am Harz, Germany
13 Aug, 2016
