நீண்டகால ஒப்பந்தங்களின் கீழ் எரிபொருள் கொள்வனவு: அரசாங்கத்தின் தீர்மானம்!

Ceylon Petroleum Corporation

By Pavi Aug 11, 2026 11:16 AM GMT

Pavi

in சமூகம்

Report

இலங்கை பெட்ரோலியக் கூட்டுத்தாபனத்தினால் (CPC) பெட்ரோல் 92 யுஎன்எல், முர்பான் கச்சா எண்ணெய் மற்றும் 0.05 சதவீத கந்தகம் கொண்ட டீசல் ஆகியவற்றை நீண்டகால அடிப்படையில் கொள்முதல் செய்வதற்கு அமைச்சரவை ஒப்புதல் வழங்கியுள்ளது.

இலங்கை பெட்ரோலியக் கூட்டுத்தாபனத்தில் பதிவு செய்யப்பட்டுள்ள வழங்குநர்களிடையே நடத்தப்பட்ட வரையறுக்கப்பட்ட சர்வதேச போட்டி ஏல நடைமுறையைத் தொடர்ந்து, குறித்த கொள்முதல் ஒப்பந்தங்கள் வழங்கப்பட்டுள்ளன.

உயர்மட்ட நிலைக் கொள்முதல் குழுக்களின் பரிந்துரைகளின் அடிப்படையில், கணிசமான அளவில் தகுதி பெற்ற குறைந்தபட்ச ஏல விலைகளை முன்வைத்த நிறுவனங்களுக்கு ஒப்பந்தங்கள் வழங்கப்பட்டுள்ளன.

நீண்ட கால கொள்முதல் செய்ய அரசு ஒப்புதல்

அதன்படி, பெற்றோல் 92 Unl (1.2 மில்லியன் பீப்பாய்கள் ± 5%): பரிந்துரைக்கப்பட்ட நிறுவனம்: Aditya Birla Global Trading (Singapore) Pte. Ltd., Singapore ஒப்பந்தக் காலம்: 2026.09.01 முதல் 2027.02.28 வரை.

நீண்டகால ஒப்பந்தங்களின் கீழ் எரிபொருள் கொள்வனவு: அரசாங்கத்தின் தீர்மானம்! | Govt Approves Long Term Procurement Of Petrol

விமான வகை டீசல் எண்ணெய் (2.8 மில்லியன் பீப்பாய்கள் ± 5%): பரிந்துரைக்கப்பட்ட நிறுவனம்: Aditya Birla Global Trading (Singapore) Pte. Ltd., Singapore ஒப்பந்தக் காலம்: 2026.11.01 முதல் 2027.02.28 வரை.

டீசல் - 0.05% M.S (1.12 மில்லியன் பீப்பாய்கள் ± 5%): பரிந்துரைக்கப்பட்ட நிறுவனம்: M/s Vitol Asia Pte. Ltd, Singapore ஒப்பந்தக் காலம்: 2026.09.01 முதல் 2027.02.28 வரை.