அரசியல் இலாபத்திற்காக போலி போராட்டங்கள்: அரச தரப்பில் பகிரங்க குற்றச்சாட்டு

சுய அரசியல் இலாபங்களுக்காக சில குழுக்கள், அதிகாரிகளுக்கு எதிராகக் திட்டமிட்ட போராட்டங்களை ஒழுங்கமைத்து வருவதாக சுட்டிக்காட்டப்பட்டுள்ளது.

தொழிற்துறை மற்றும் வணிக அபிவிருத்தி பிரதி அமைச்சர் சதுரங்க அபேசிங்க (Chathuranga Abeysinghe) இதனை தெரிவித்துள்ளார்.

ஊடகங்களுக்கு கருத்து தெரிவிக்கும் போதே அவர் இதனை தெரிவித்துள்ளார்.

தமிழர் பகுதிகளையும் முன்னாள் போராளிகளையும் சுற்றி வளைக்கும் உளவுத்துறை!

முதன்மையான கோரிக்கை

இது தொடர்பில் மேலும் தெரிவித்த அவர், 

நாட்டில் சட்டமும் நீதியும் நிலைநாட்டப்பட வேண்டும் என்பதே பொதுமக்களின் முதன்மையான கோரிக்கையாக உள்ளது அமைச்சர் சுட்டிக்காட்டியுள்ளார்.

இருப்பினும் இச் சூழலைச் சுய அரசியல் இலாபங்களுக்காகப் பயன்படுத்திக்கொள்ள முனையும் சில குழுக்கள், அதிகாரிகளுக்கு எதிராகக் திட்டமிட்ட போராட்டங்களை ஒழுங்கமைத்து வருவதாக அவர் குற்றம் சாட்டியுள்ளார்.

ஒரு காலத்தில் பொருளாதார ரீதியாக முழுமையாகச் சீர்குலையும் விளிம்பில் இருந்த இலங்கை நாட்டையும் அதன் மக்களையும் பாதுகாத்து சமூக நலன்புரியை உறுதி செய்வதில் தற்போதைய அரசாங்கம் பாரிய முன்னேற்றங்களை அடைந்துள்ளதாக அவர் குறிப்பிட்டுள்ளார்.

பறப்பில் ஈடுபட்ட சிறிலங்கன் விமானத்தில் ரகளையில் ஈடுபட்ட இந்தியர்கள்

முதன்மை இலக்கு

இலங்கை அடைந்துள்ள இப் பொருளாதார மீட்புப் பயணத்தின் வேகம் மற்றும் கட்டமைப்புச் சீர்திருத்தங்களைக் கண்டு சர்வதேச அவதானிகளே வியப்படைந்துள்ளதாக அவர் தெரிவித்துள்ளார்.

இந்தநிலையில் நாட்டின் முன்னேற்றத்திற்கு அவசியமான புதிய சட்டங்களை அறிமுகப்படுத்துவதை எதிர்த்துச் சிலர் சிறிய அளவிலான போராட்டங்களில் ஈடுபட்டு வருவதாக அவர் குறிப்பிட்டுள்ளார்.

கடந்த காலங்களில் மக்கள் பணத்தைக் கொள்ளையடித்த ஊழல்மிக்க அரசியல்வாதிகள், தற்போது தங்களைப் யோக்கியர்களாகக் காட்டிக்கொண்டு அரசாங்கத்தைக் கேலி செய்வதாகவும் இவ்வாறான சவால்களுக்கு மத்தியில் அரசாங்கத்தின் முதன்மை இலக்கான சட்டத்தையும் நீதியையும் நிலைநாட்டும் நடவடிக்கை தடையின்றித் தொடரும் என்றும் அவர் தெரிவித்துள்ளமை குறிப்பிடத்தக்கது.

பாரிய நெருக்கடியில் சிக்கிய நெதன்யாகு - ஆட்சியமைப்பதில் தொடர் இழுபறி