பாலஸ்தீனர்களை கூட்டாக தண்டிப்பதை ஏற்றுக்கொள்ள முடியாது : ரஷ்ய வெளியுறவுத்துறை அமைச்சர்

Palestine Russia Israel-Hamas War Gaza

By Beulah Dec 11, 2023 04:12 PM GMT

Beulah

in உலகம்

Report

கடந்த அக்டோபர் 7ஆம் திகதி இஸ்ரேலுக்கு எதிராக ஹமாஸ் அமைப்பு நடத்திய தாக்குதலுக்காக, காசாவில் உள்ள பாலஸ்தீனர்களை கூட்டாக தண்டிக்கும் செயலை நியாயப்படுத்துவது என்பது ஏற்றுக்கொள்ள முடியாதது என ரஷ்ய வெளியுறவுத்துறை அமைச்சர் செர்கே லாவ்ரவ் தெரிவித்துள்ளார்.

கத்தார் நாட்டின் தலைநகர் தோஹா நகரில், நடைபெற்ற 2 நாள் சர்வதேச கூட்டத்தில் கலந்து கொண்டு உரையாற்றும் போதே அவர் மேற்கண்டவாறு குறிப்பிட்டுள்ளார்.

மேற்படி விடயம் தொடர்பாக மேலும் அவர் குறிப்பிடுகையில்,

தனி நாடு

“முற்றுகையிடப்பட்ட பகுதியில் உள்ள நிலைமையை சர்வதேச அளவில் நாடுகள் கண்காணிக்க வேண்டும்.

பாலஸ்தீனர்களை கூட்டாக தண்டிப்பதை ஏற்றுக்கொள்ள முடியாது : ரஷ்ய வெளியுறவுத்துறை அமைச்சர் | Hamas Attacks On Israel Did Not Happen In Vacuum

இஸ்ரேல் எல்லைக்குள் புகுந்து முன்னறிவிப்பின்றி ஹமாஸ் அமைப்பு நடத்திய தாக்குதல் என்பது வெற்றிடத்தில் ஏற்பட்டதல்ல.

காசாவில் பல தசாப்தங்களாக காணப்பட்ட தடைகள் மற்றும் பாலஸ்தீனர்களுக்கு தனி நாடு இருக்கும் என அளித்த வாக்குறுதிகள் தசாப்தங்களாக நிறைவேற்றப்படாதது ஆகியவற்றால் இந்த தாக்குதல் நடத்தப்பட்டு உள்ளது.

இஸ்ரேலில் இருந்து காசாவுக்கு 240 பேர் பணய கைதிகளாக பிடித்து செல்லப்பட்டனர். அவர்களை மீட்கும் முயற்சியில் இஸ்ரேல் பாதுகாப்பு படை ஈடுபட்டது.

இதன்பின்பு போர்நிறுத்த ஒப்பந்தம் ஏற்படுத்தப்பட்டு, பணய கைதிகள் சிலர் விடுவிக்கப்பட்டனர். பதிலுக்கு பாலஸ்தீன கைதிகளும் சிறையில் இருந்து விடுதலை செய்யப்பட்டனர். எனினும், போரானது முடிவுக்கு வராமல் உள்ளது.” என்றார்.