தேர்தலில் நான் போட்டியிருந்தால் இமாலய வெற்றி பெற்றிருப்போம்: ட்ரம்ப்

Donald Trump United States of America Election

By Sindu Nov 04, 2026 05:42 AM GMT

Sindu

in உலகம்

Report

நான் தேர்தலில் போட்டியிட்டிருந்தால் இமாலய வெற்றி பெற்றிருப்போம் என்று அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.

அமெரிக்க நாடாளுமன்றம் செனட் சபை (மேலவை), பிரதிநிதிகள் சபை (கீழவை) என இரு அவைகளைக் கொண்டது.

இதில் பிரதிநிதிகள் சபையில் உள்ள 435 இடங்களுக்கும் செனட் சபையில் 100 உறுப்பினர்களின் பதவிக்காலம் 6 ஆண்டுகள் என்பதால், தோராயமாக மூன்றில் ஒரு பங்கு இடங்களுக்கும் 2 ஆண்டுகளுக்கு ஒருமுறை தேர்தல் நடத்தப்படும்.

குடியரசுக் கட்சி பின்னடைவு

435 பிரதிநிதிகள் சபை இடங்களுக்கும், 35 செனட் சபை இடங்களுக்கும், அதேநேரத்தில் பல்வேறு மாகாணங்களின் ஆளுநர்கள், உள்ளாட்சிப் பதவிகளுக்குமான வாக்குப்பதிவு நேற்று (03 நடைபெற்றது. தற்போது வாக்குகள் எண்ணப்பட்டு வரும் நிலையில், ஜனாதிபதி ட்ரம்ப் தலைமையிலான குடியரசுக் கட்சி பின்னடைவை சந்தித்துள்ளது.

தேர்தலில் நான் போட்டியிருந்தால் இமாலய வெற்றி பெற்றிருப்போம்: ட்ரம்ப் | If I Had Competed I Would Have Won Trump Says

பிரதிநிதிகள் சபையில் பெரும்பான்மைக்கு 218 இடங்கள் தேவை என்ற நிலையில், ஜனநாயகக் கட்சி 154 இடங்களிலும், ட்ரம்பின் குடியரசுக் கட்சி 99 இடங்களில் வெற்றி பெற்றுள்ளன.

செனட் சபையில் பெரும்பான்மைக்கு 50 இடங்கள் தேவை என்ற நிலையில், ஜனநாயகக் கட்சி 51 இடங்களில் வெற்றி பெற்றுள்ளது. குடியரசுக் கட்சி 39 இடங்களில் மட்டுமே வெற்றி பெற்றுள்ளது. இன்னும் 10 இடங்களுக்கு பதிவான வாக்குகள் எண்ணப்பட்டு வரும் நிலையில், ஜனநாயகக் கட்சி ஏற்கனெவே பெரும்பான்மையை பெற்றுவிட்டது.

இந்த தேர்தல் தோல்வி தொடர்பாக சமூக ஊடகத்தில் ட்ரம்ப் வெளியிட்டிருக்கும் பதிவில் தெரிவித்திருப்பதாவது: “நாங்கள் தேர்தலில் வெற்றி பெறவில்லை. ஒருவேளை நான் போட்டியிட்டிருந்தால் நாங்கள் இமாலய வெற்றி பெற்றிருப்போம்” எனக் குறிப்பிட்டுள்ளார்.