சட்டவிரோதமாக சொத்து குவித்தோர் விபரங்கள் : சபையில் வெளிப்படுத்திய அமைச்சர்

கடந்த ஆண்டு செப்டம்பர் மாதம் முதல் இதுவரை மேற்கொள்ளப்பட்ட சோதனைகளின் போது கைது செய்யப்பட்ட சந்தேக நபர்களிடமிருந்து கையகப்படுத்தப்பட்ட, சட்டவிரோத செயல்கள் மூலம் ஈட்டப்பட்ட சொத்துக்கள் மற்றும் சொத்துக்களின் விபரங்களை பொது மக்கள் பாதுகாப்பு மற்றும் நாடாளுமன்ற விவகார அமைச்சர் ஆனந்த விஜேபால வெளிப்படுத்தினார்.

நாடாளுமன்ற உறுப்பினர் ரவீந்திர பண்டார இன்று (20) நாடாளுமன்றில் எழுப்பிய கேள்விக்கு பதிலளிக்கும் போதே சட்டவிரோதமாக சொத்துக் குவித்த 13 பேரின் சொத்து விபரங்களை அமைச்சர் குறிப்பிட்டார்.

இந்தச் சொத்துக்கள் தற்போது முடக்கப்பட்டுள்ளதாகவும் இதில் கடந்த ஆண்டு கைது செய்யப்பட்ட 'கெஹெல்பத்தர பத்மே' உள்ளிட்ட ஒழுங்கமைக்கப்பட்ட குற்றவாளிகளின் பல சொத்துக்களும் அடங்குவதாக அமைச்சர் சுட்டிக்காட்டினார்.

பலாலி விமான நிலைய அபிவிருத்தி - இந்திய அரசிற்கு வடக்கிலிருந்து செய்தி

சொத்துக்களின் விபரங்கள் 

இந்தநிலையில் அமைச்சர் நாடாளுமன்றில் சமர்ப்பித்த சட்டவிரோதமாக ஈட்டப்பட்ட சொத்துக்களின் விபரங்கள் இவ்வாறு அமைந்துள்ளன.

ஹப்புகொட ஆராச்சிகே கங்கானம்கே துமிந்த தில்ருக்

முடக்கப்பட்டுள்ள சொத்துக்களின் மதிப்பு 23 மில்லியன் ரூபாய். இதில் ஒரு வான், ஒரு மோட்டார் சைக்கிள், வீடு மற்றும் ரோலர் கேட்

கந்தையா கலாமோகன்

சொத்து மதிப்பு இன்னும் மதிப்பிடப்படவில்லை. 2 மோட்டார் படகுகள் கைப்பற்றப்பட்டுள்ளன.

திலூம் தாரக பாலசூரிய

8 இலட்சம் ரூபாய் முகப்பு மதிப்புக் கொண்ட 15 பேர்ச் காணியுடன் கூடிய இரண்டு மாடி வீடு.

மொஹமட் ஹரீஷ் மொஹமட்

2026.01.21 முதல் சொத்துக்கள் முடக்கப்பட்டுள்ளன, பெறுமதி இன்னும் மதிப்பிடப்படவில்லை. மேலதிகமாக 5 வாகனங்கள் அரசுடமை

மொஹமட் ஷியாம்

2026.01.21 அன்று சொத்துக்கள் முடக்கப்பட்டுள்ளன. மதிப்பு இன்னும் மதிப்பிடப்படவில்லை. கார் ஒன்று அரசுடமை.

விஜேசூரிய மஹதுருகே உதித இரோஷன் விஜேசிறி

5 மில்லியன் ரூபாய் பெறுமதியான சொத்துக்கள் மற்றும் 1 லொறி.

இந்திக பத்மக்குமார

2.5 மில்லியன் ரூபாய் பெறுமதியான கெப் வாகனம் மற்றும் ஒரு மில்லியன் ரூபாய் வைப்புச் செய்யப்பட்ட வங்கி கணக்கு.

லஹிரு சம்பத்

1.8 மில்லியன் ரூபாய் பெறுமதியான ஒரு முச்சக்கரவண்டி

ஹெட்டியாரச்சிகே தோன ஸ்ரீயானி சந்திரலதா

6 கோடி ரூபாய் பெறுமதியான 14.7 பேர்ச் காணியும் நான்கு மாடி வீடு.

கெஹெல்பத்தர பத்மே என்ற மந்தினு பத்மசிறி

30 மில்லியன் ரூபாய் பெறுமதியான பாதி கட்டி முடிக்கப்பட்ட கட்டிடங்களுடன் கூடிய 20 பேர்ச் காணி, 20 மில்லியன் ரூபாய் பெறுமதியான 6 அறைகளைக் கொண்ட பாதி பூர்த்தியான கட்டிடம்.

தெஹிபாலா என்ற பட்டபெதிகே மத்துமகெ ஷெஹான் சத்சர

200 மில்லியன் ரூபாய் பெறுமதியான 5 பலநாள் மீன்பிடி படகுகள், 50 மில்லியன் ரூபாய் பெறுமதியான 15.8 பேர்ச் காணி மற்றும் இரண்டு மாடி வீடு.

ஜயசிங்ககே மதுரங்க சம்பத்

5.4 மில்லியன் ரூபாய் பெறுமதியான 1 கெப் வாகனம், 14.5 மில்லியன் ரூபாய் பெறுமதியான 1 வேன், 5 வங்கிக் கணக்குகளில் உள்ள 73.03 மில்லியன் ரூபாய், மற்றுமொரு கணக்கில் உள்ள 160,328.88 ரூபாய், 544 அமெரிக்க டொலர் மற்றும் 283 மில்லியன் ரூபாய் பணம்.

அதிகாரி சமந்த பெரேரா

5 மில்லியன் ரூபாய் பெறுமதியான 10.10 பேர்ச் காணி, 13 மில்லியன் ரூபாய் பெறுமதியான 1 ஏக்கரும் 1.5 பேர்ச் காணி.

யாழ். போதனா வைத்தியசாலை பணிப்பாளர் விடுத்துள்ள முக்கிய அறிவிப்பு

மோடியை சந்தித்த ஜனாதிபதி அநுர