யாழ்ப்பாணத்திற்கு கடத்தப்பட்ட கடல் ஆமை இறைச்சி : இருவர் சிக்கினர்
மன்னாரில் (Mannar) இருந்து யாழ்ப்பாணத்திற்கு ( Jaffna) சட்ட விரோதமான முறையில் கொண்டு செல்லப்பட்ட ஒரு தொகுதி கடல் ஆமை இறைச்சிகளுடன் இரண்டு சந்தேக நபர்களை காவல்துறையினர் கைது செய்துள்ளனர்.
குறித்த சந்தேக நபர்கள் இன்று (30) பள்ளமடு பிரதான வீதியில் வைத்து மன்னார் குற்றத்தடுப்பு பிரிவு காவல்துறை பிரிவினரால் கைது செய்யப்பட்டுள்ளனர்.
இதன்போது, இவர்களிடம் இருந்து 82 கிலோ கடலாமை இறைச்சி பொதி செய்யப்பட்ட நிலையில் மீட்கப்பட்டுள்ளது.
மேலதிக விசாரணை
சம்பவம் தொடர்பில் மேலும் தெரியவருகையில், மீன்கள் பொதி செய்து கொண்டு செல்லும் போர்வையில் கடலாமை பொதி செய்யப்பட்டு வாகனத்தில் கொண்டு செல்லப்படுவதாக இராணுவ புலனாய்வு துறைக்கு இரகசிய தகவல் வழங்கப்பட்டுள்ளது.
இதனையடுத்து மன்னார் குற்றத்தடுப்பு பிரிவு காவல்துறையினர் பள்ளமடு வீதியில் வைத்து குறித்த வாகனத்தை சோதனை செய்த போது கடலாமை இறைச்சிகள் மீட்கப்பட்டுள்ளதோடு அதை கொண்டு சென்ற இரண்டு நபர்களும் கைது செய்யப்பட்டுள்ளனர்.
இந்நிலையில், சம்பவம் தொடர்பான மேலதிக விசாரணைகளை காவல்துறையினர் மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
அரியாலை, கொழும்பு, Georgetown, Guyana, Edgware, United Kingdom
17 Jun, 2025
