ரணில் அரசுக்கு விழுந்த பலத்த அடி! சர்வதேசத்திலிருந்து அடுத்தடுத்து வந்த அதிர்ச்சி தகவல்
அமைதியான போராட்டங்கள் வன்முறையாக மாறியமையால் சர்வதேச நாணய நிதியத்துடனான ஒப்பந்தம் பின்தள்ளப்பட்டுள்ளதாக அமைச்சர் மனுஷ நாணயக்கார தெரிவித்துள்ளார்.
கொழும்பில் இன்று இடம்பெற்ற ஊடகவியலாளர் சந்திப்பில் கருத்துரைக்கும் போதே அவர் மேற்கண்டவாறு தெரிவித்துள்ளார்.
தொடர்ந்து கருத்துரைத்த அவர், "எதிர்வரும் ஓகஸ்ட் மாதம் சர்வதேச நாணய நிதியத்துடன் கைச்சாத்திடப்படவிருந்த பணியாளர் மட்ட உடன்படிக்கை பின்தள்ளப்பட்டுள்ளது.
அமைதியான போராட்டங்கள்,வன்முறையாக மாறியமையே இந்த தாமதத்துக்கான காரணம்.
போராட்டங்கள் காரணமாக, கடந்த வாரம் இலங்கைக்கு பயணம் செய்யவிருந்த உலக உணவு திட்டத்தின் தலைவர், தனது பயணத்தை ஒரு மாதத்துக்கு ஒத்திவைத்துள்ளார்.
இலங்கையில் போராட்டங்கள் வன்முறையாக மாறியதன் காரணமாக, கிளர்ச்சியாளர்களை விரும்பாத நிலையில், இலங்கையர்களுக்கு கிடைக்கவேண்டிய தொழில்வாய்ப்புக்கள் கிடைக்காமல் போயுள்ளன, அவை ஆபிரிக்க நாடுகளைச் சேர்ந்தவர்களுக்கு வழங்கப்பட்டுள்ளன என்றும் அவர் குறிப்பிட்டார்.
காலி முகத்திடலில் கட்டவிழ்த்து விடப்பட்ட வன்முறை
இலங்கையின் அதிபர் செயலகத்திற்கு முன்னால் கோட்டா கோ கம போராட்டக்களம் அமைத்து நூறு நாட்களுக்கும் மேலாக போராட்டம் மேற்கொள்ளப்பட்டு வந்தது.
இவ்வாறான நிலையிலேயே கடந்த 9 ஆம் திகதி பாரிய மக்கள் எழுச்சி ஏற்பட்டு கோட்டாபய ராஜபக்ச நாட்டை விட்டு வெளியேறியதோடு, அதிபர் பதவியிலிருந்தும் விலகினார்.
இந்நிலையில், இலங்கையின் அதிபராக ரணில் விக்ரமசிங்க கடந்த 21 ஆம் திகதி பதவி பிரமாணம் செய்து கொண்டார்.
அத்துடன் அதிபர் செயலகத்திற்கு முன்பாக போராட்டத்தில் ஈடுபட்டவர்கள் மீது பாதுகாப்பு தரப்பினர் மேற்கொண்ட தாக்குதலில் பலர் காயமடைந்துள்ளதாக தெரிவிக்கப்படுகின்றது.
முப்படையினரின் இக் கொடூர சம்பவத்தால் இலங்கை அரசாங்கத்திற்கு எதிராக சர்வதேசத்தில் இருந்து கண்டனங்களும் அழுத்தங்களும் எழுந்தன.
இந்நிலையில், காலிமுகத்திடலில் நடந்தேறிய இச் சம்பவத்ததை எதிர்த்து உடனடியாக தனது கண்டனத்தை வெளியிட்டிருந்தார் அமெரிக்க தூதுவர்.
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 3ம் வட்டாரம், கொழும்பு, பரிஸ், France, கனடா, Canada
26 Nov, 2017
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
புங்குடுதீவு 2ம் வட்டாரம், வட்டக்கச்சி இராமநாதபுரம், Woodbridge, Canada
22 Nov, 2025
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
