வெளிநாடுகளில் இருந்து இலங்கைக்கு பணம் அனுப்புவர்களுக்கு கிடைக்கும் வரிச்சலுகை!
இலங்கைக்கு வரும் புலம்பெயர் தொழிலாளர்களுக்கு விமான நிலையத்தில் வழங்கப்படும் தீர்வையற்ற வரி (Duty free) சலுகையை அதிகரிக்க தீர்மானிக்கப்பட்டுள்ளது.
அந்தவகையில், மே முதலாம் திகதி முதல் இலங்கை வருபவர்களுக்கு இந்த சலுகை கிடைக்கும் எனக் கூறப்பட்டுள்ளது.
இது தொடர்பிலான சுற்றறிக்கை வெளியிடப்பட்டுள்ளதாக அரசாங்க தகவல் திணைக்களத்தில் இன்றையதினம் (27) நடைபெற்ற ஊடகவியலாளர் சந்திப்பில் கலந்து கொண்ட அமைச்சர் மனுஷ நாணயக்கார தெரிவித்துள்ளார்.
நடைமுறை
குறித்த சுற்றறிக்கையின் படி, வங்கி முறையின் ஊடாக இலங்கைக்கு பணம் அனுப்பும் புலம்பெயர்ந்த தொழிலாளர்கள் இந்த அதிகரிக்கப்பட்ட தீர்வையற்ற வரி சலுகையை பெற முடியும் எனக் கூறப்படுகின்றது.
கடந்த ஆண்டு மே முதலாம் திகதியில் இருந்து வங்கி முறை மூலம் அனுப்பப்பட்ட பணத்தின் அளவு கணக்கு எடுத்துக்கொள்ளப்பட்டு ஐந்து வகைகளின் கீழ் இந்த நிவாரணம் வழங்கப்படவுள்ளது.
வரிச் சலுகைகள்
2400 – 4799 அமெரிக்க டொலர்களுக்கு இடைப்பட்ட தொகையை அனுப்பிய தொழிலாளர்கள் 600 டொலர் சலுகை கிடைக்கும்.
4800 – 7199 அமெரிக்க டொலர்களுக்கு இடைப்பட்ட தொகையில் பணம் அனுப்பிய தொழிலாளர்கள் 960 டொலர் சலுகையை பெறலாம்.
7,200 – 11,999 அமெரிக்க டொலர்களுக்கு இடையில் பணம் அனுப்பும் தொழிலாளர்களுக்கு 1,440 அமெரிக்க டொலருக்கு கூடுதல் வரிச் சலுகை கிடைக்கும்.
12,000 – 23,999 அமெரிக்க டொலர்களுக்கு இடையில் பணம் அனுப்பும் தொழிலாளர்களுக்கு 2,400 அமெரிக்க டொலருக்கு மேல் கூடுதல் வரிச் சலுகை கிடைக்கும்.
24,000 அமெரிக்க டொலர்களுக்கு மேல் பணம் அனுப்பும் தொழிலாளர்களுக்கு 4,800 அமெரிக்க டொலருக்கு மேல் கூடுதல் வரிச் சலுகை கிடைக்கும்.
சரவணை, கொய்யாத்தோட்டம், யாழ்ப்பாணம், Osterode am Harz, Germany
13 Aug, 2016
பருத்தித்துறை, Kirchheim Unter Teck, Germany, சிவிக்ஸ் சென்டர்,வட்டக்கச்சி
11 Aug, 2025
கொக்குவில் கிழக்கு, கோண்டாவில் கிழக்கு, Mississauga, Canada
13 Aug, 2020
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
கோப்பாய், Sudbury Hill, United Kingdom, Ealing, United Kingdom
27 Jul, 2026
