அரச ஊழியர்களுக்கான எரிபொருள் கொடுப்பனவு : விடுக்கப்பட்டுள்ள கோரிக்கை
இலங்கையில் எரிபொருள் விலை உயர்வுக்கு ஏற்ப அரச ஊழியர்களுக்கான எரிபொருள் கொடுப்பனவுகளை உடனடியாகத் திருத்தியமைக்க நிதி அமைச்சு நடவடிக்கை எடுக்க வேண்டும் என மருத்துவ மற்றும் சிவில் உரிமைகளுக்கான மருத்துவர்களின் தொழிற்சங்கக் கூட்டமைப்பின் தலைவர் விசேட மருத்துவ நிபுணர் சமல் சஞ்சீவ தெரிவித்துள்ளார்.
எரிபொருள் விலை உயர்வுகளுக்கு இணையாக எரிபொருள் கொடுப்பனவுகள் திருத்தியமைக்கப்படாமையினால், அதைப் பெற்றுக்கொள்ளும் அரச ஊழியர்கள் கடுமையான நிதி நெருக்கடிகளை எதிர்கொண்டுள்ளதாக அவர் மேலும் சுட்டிக்காட்டினார்.
அவர் மேலும் தெரிவிக்கையில், உள்நாட்டுச் சந்தையில் எரிபொருட்களின் விலைகள் பலமுறை அதிகரிக்கப்பட்டுள்ள போதிலும், கடந்த மார்ச் 01ஆம் திகதி நிலவிய எரிபொருள் விலைகளின் அடிப்படையிலேயே நிதி அமைச்சினால் எரிபொருள் கொடுப்பனவுக்கான சுற்றறிக்கை வெளியிடப்பட்டுள்ளது.
பொருளாதார நெருக்கடி
இதன் காரணமாக, கடமைகளுக்காகத் தங்களது சொந்த வாகனங்கள் அல்லது உத்தியோகபூர்வ வாகனங்களைப் பயன்படுத்தும் அரச ஊழியர்கள் மாதாந்தம் பெரும் நட்டத்தை எதிர்கொள்கின்றனர்.
தமது உத்தியோகபூர்வ கடமைகளுக்காக வீடுகளில் இருந்தோ அல்லது பணியிடங்களில் இருந்தோ பல்வேறு பிரதேசங்களுக்குப் பயணிக்கும் போது, தங்களுக்கு வழங்கப்படும் கொடுப்பனவை விடவும் கணிசமான அளவு கூடுதல் தொகையை அரச ஊழியர்கள் சொந்தமாகச் செலவிட வேண்டியுள்ளது.
தற்போதைய இந்த நடைமுறையானது, எரிபொருள் கொடுப்பனவுகளுக்கு உத்தியோகபூர்வமாக தகுதி பெற்றுள்ள பெருமளவிலான அரச ஊழியர்களை கடுமையான பொருளாதார நெருக்கடிக்குள்ளாக்கியுள்ளது.
எரிபொருள் விலை உயர்வு
பாதிக்கப்பட்டுள்ள அரச ஊழியர்களின் சுமையைக் குறைக்கும் வகையில், நிதி அமைச்சு இந்த விவகாரம் குறித்து உடனடி அவதானம் செலுத்த வேண்டும். எரிபொருள் விலை அதிகரிப்பினால் அரச ஊழியர்கள் பெரும் பொருளாதார அழுத்தத்திற்கு உள்ளாகியுள்ளனர்.
எனவே, தற்போதைய எரிபொருள் விலை உயர்வுக்கு ஏற்ப, எரிபொருள் கொடுப்பனவுகளை உடனடியாகத் திருத்தியமைக்க நிதி அமைச்சு நடவடிக்கை எடுக்க வேண்டும்" என அவர் மேலும் தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கொடிய சட்டமான PTA கொண்டுவரப்பட்டு இன்றுடன் 47 ஆண்டுகள்…
3 நாட்கள் முன்
ஆடிப்பிறப்பு ஈழத் தமிழரின் பண்பாட்டுப் பண்டிகை…
4 நாட்கள் முன்
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
புளியங்கூடல், யாழ்ப்பாணம், சென்னை, India, பிரான்ஸ், France
19 Jul, 2026
புங்குடுதீவு 3ம் வட்டாரம், சிவபுரம், வவுனிக்குளம், Woodbridge, Canada
05 Aug, 2022
புங்குடுதீவு, பரிஸ், France, London, United Kingdom
10 Jul, 2026
கோண்டாவில், புன்னாலைக்கட்டுவன், சவுதி அரேபியா, Saudi Arabia, ஜேர்மனி, Germany, Brampton, Canada
20 Jul, 2025
