திருச்சி சிறப்பு முகாமில் உள்ள ஈழத்தமிழர்களின் உயிர் ஆபத்தில்...! புகழேந்தி எச்சரிக்கை
இந்தியாவின் திருச்சியில் உள்ள சிறப்பு முகாமில் மறைந்த ஈழத்தமிழர் சாந்தனுடன் இருந்த முருகன், ராபட் பயஸ் மற்றும் ஜெயக்குமார் ஆகியோர் உடனடியாக, அவர்களது கோரிக்கைகளுக்கமைய வெளிநாடுகளுக்கு அனுப்பி வைக்கப்பட வேண்டுமென சட்டத்தரணி புகழேந்தி தெரிவித்துள்ளார்.
இந்த நடவடிக்கை மேற்கொள்ளப்படாத பட்சத்தில், குறித்த மூவரினதும் உயிருக்கு ஆபத்து ஏற்படுமென இன்று (5) நடைபெற்ற ஊடக சந்திப்பின் போது அவர் கூறியுள்ளார்.
இந்த மூவரும் மீண்டும் இலங்கைக்கு திரும்ப அஞ்சுவதால், அவர்கள் விரும்பும் நாடுகளுக்கே அவர்களை நாடு கடத்த இந்திய அரசாங்கம் உரிய நடவடிக்கைகளை எடுக்க எமது தமிழ் அரசியல் தலைவர்கள் அழுத்தம் கொடுக்க வேண்டுமென புகழேந்தி கோரியுள்ளார்.
அத்துடன், திருச்சி முகாமில் உள்ள ஈழத்தமிழர்களை நேரில் சென்று காண தமிழ் அரசியல்வாதிகள் நடவடிக்கை எடுக்க வேண்டுமெனவும் அவர் குறிப்பிட்டுள்ளார்.
இலங்கை தமிழரான சாந்தன் தற்போது உயிரிழந்துள்ள நிலையில், ஏனைய மூவராவது உயிருடன் அவர்களது குடும்பங்களிடம் ஒப்படைக்கப்பட வேண்டுமென அவர் கூறியுள்ளார்.
இது தொடர்பில் புகழேந்தி மேலும் தெரிவித்தவற்றை கீழுள்ள காணொளியில் காணலாம்...
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
