நெடுந்தீவு கடலில் மூழ்கி இந்திய கடற்றொழிலாளர் உயிரிழப்பு!
யாழ்ப்பாணம் (Jaffna) - நெடுந்தீவு கடற்பரப்பில் அத்துமீறி கடற்றொழிலில் ஈடுபட்ட இந்திய கடற்றொழிலாளர் ஒருவர் கடலில் மூழ்கி உயிரிழந்துள்ளார்.
இந்த அனர்த்தம் இன்று (01) அதிகாலை இடம்பெற்றதாக தெரிவிக்கப்படுகின்றது.
நெடுந்தீவு கடற்பரப்பில் படகொன்றில் ஐந்து இந்திய கடற்றொழிலாளர்கள் கடற்றொழிலில் ஈடுபட்டனர்.
ஒருவர் உயிரிழப்பு
இதேவேளை ரோந்து நடவடிக்கைகளில் ஈடுபட்ட சிறிலங்கா கடற்படை படகு, அத்துமீறி கடற்றொழிலில் ஈடுபட்ட இந்திய கடற்றொழிலாளர்களின் படகை கைப்பற்ற முனைந்தது.
இதன்போது இந்திய கடற்றொழிலாளர்களின் படகு கவிழ்ந்து குறித்த அசம்பாவிதம் ஏற்பட்டதாக தகவல்கள் தெரிவிக்கின்றன.
கடற்றொழிலாளர்கள் இருவர் கடலில் விழுந்த நிலையில் ஒருவர் நீரில் மூழ்கி உயிரிழந்துள்ளதுடன் ஒருவர் காணாமல் போயுள்ளதாக தெரிவிக்கப்படுகின்றது.
காணாமல் போன கடற்றொழிலாளரை தேடும் பணி தொடர்ந்து நடைபெற்று வருவதாக கடற்படையினர் தெரிவித்துள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025