இலங்கை கடற்பரப்பில் அத்துமீறி நுழைந்த இந்திய கடற்றொழிலாளர்கள் அதிரடி கைது!
இலங்கை (Sri Lanka) கடற்பரப்பிற்குள் அத்துமீறி கடற்றொழிலில் ஈடுபட்ட இந்திய (India) கடற்றொழிலாளர்களை இலங்கை கடற்படையினர் கைது செய்துள்ளனர்.
குறித்த கைது நடவடிக்கையானது நேற்று (03) மேற்கொள்ளப்பட்டுள்ளது.
கைது நடவடிக்கை தொடர்பில் மேலும் தெரியவருகையில், இலங்கை கடற்படை மற்றும் கடலோர காவல்படையினர் இணைந்து யாழ்ப்பாணம் (Jaffna) கோவிலான் கலங்கரை விளக்கத்தில் விசேட நடவடிக்கை ஒன்றில் ஈடுபட்டுள்ளனர்.
சட்ட நடவடிக்கை
இதன்போதே இலங்கை கடற்பரப்பில் அத்துமீறி கடற்றொழிலில் ஈடுபட்ட குறித்த நான்கு இந்திய கடற்றொழிலாளர்களும் கைது செய்யப்பட்டதுடன் அவர்களின் கடற்றொழில் இழுவை படகும் கைப்பற்றப்பட்டுள்ளது.
இந்தநிலையில், கைப்பற்றப்பட்ட இழுவை படகு மற்றும் இந்திய கடற்றொழிலாளர்கள் நால்வரும் காங்கேசன்துறை துறைமுகத்திற்கு கொண்டு வரப்பட்டதுடன், அவர்கள் மேலதிக சட்ட நடவடிக்கைகளுக்காக கடற்றொழில் பரிசோதகரிடம் ஒப்படைக்கப்படவுள்ளனர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
