இந்திய கடற்தொழிலாளர்களின் பிரச்சினைக்கு நிரந்தர தீர்வு வழங்க கோரி யாழில் பேரணி

Indian fishermen Jaffna Sri Lanka Fisherman

By Kathirpriya Mar 05, 2024 09:18 AM GMT

Kathirpriya

in சமூகம்

Report

இந்திய கடற்தொழிலாளர்களின் பிரச்சினைக்கு நிரந்தர தீர்வு கோரி, வட மாகாண கடற்தொழிலாளர்கள் யாழ்ப்பாணத்தில் பேரணியொன்று நடைபெறுவதாக அகில இலங்கை கடற்தொழிலாளர் மக்கள் தொழிற்சங்க இணைப்பாளர் அன்னலிங்கம் அன்னராசா தெரிவித்தார்.

இந்தப் பேரணியானது இன்றையதினம் (05) காலை 10:30 மணியளவில் ஆரம்பமானதாக கூறியுள்ளார்.

யாழ். ஊடக அமையத்தில் நேற்றையதினம் (04) இடம்பெற்ற ஊடகவியலாளர் சந்திப்பின் போது அவர் இந்தப் பேரணி தொடர்பான அறிவிப்பை அவர் வெளியிட்டிருந்தார்.

கடற்றொழிலாளர் இணையம்

வடக்கு மாகாண கடற்றொழிலாளர் இணையத்தின் ஏற்பாட்டில் நடைபெறும் இந்தப் பேரணியில் அனைத்து தரப்பினரையும் கலந்துகொள்ளுமாறும் அவர் இந்த வேளையிலே அழைப்பு விடுத்தார்.

இந்திய கடற்தொழிலாளர்களின் பிரச்சினைக்கு நிரந்தர தீர்வு வழங்க கோரி யாழில் பேரணி | Indian Fishermen Issue Rally To Permanent Solution

இன்று காலை 10:30 மணிக்கு யாழ். மாவட்ட செயலகத்தின் முன்பு ஆரம்பமாகும் இந்தப் பேரணியில் சிறிலங்கா அதிபரிற்கு மகஜரை வடக்கு மாகாண ஆளுநர் ஊடாகவும், இந்தியப் பிரதமருக்கான மகஜரை இந்தியத் துணைத் தூதுவர் ஊடாகவும் வழங்கவுள்ளதாகவும் அவர் மேலும் தெரிவித்திருந்தமை குறிப்பிடத்தக்கது.