சீனப் பகுதியை புறக்கணித்த இந்திய துணை உயர்ஸ்தானிகர்
கொழும்பில் இடம்பெற்ற கண்காட்சியில் சீன வியாபார அங்காடிகளை இந்திய துணை உயர்ஸ்தானிகர் புறக்கணித்த சம்பவமொன்று இடம்பெற்றுள்ளதாக ஆங்கில பத்திரிகை ஒன்று செய்தி வெளியிட்டுள்ளது.
8ஆவது கட்டுமானம், சக்தி மற்றும் ஆற்றல் கண்காட்சி 2023, கடந்த வெள்ளிக்கிழமை பண்டாரநாயக்க ஞாபகார்த்த சர்வதேச மாநாட்டு மண்டபத்தில் திறந்து வைக்கப்பட்டது.
இந்தக் கண்காட்சியில் இந்தியாவின் துணை உயர் ஆணையர் வினோத் கே. ஜேக்கப் பங்கேற்றிருந்தார்.
முதன்மையான கண்காட்சி
சிறிலங்காவின் கட்டுமானம், உள்துறைப் பொருட்கள், மின்சாரம் மற்றும் எரிசக்தி தொடர்பான துறைகளில் முதன்மையான கண்காட்சி ஜூலை7 முதல் ஜூலை 9 வரை நடைபெற்றது.
இதில் சீனா மற்றும் இந்திய அங்காடிகள் கொண்ட சர்வதேச அரங்குகளை கொண்டிருந்த கண்காட்சியைத் திறந்த பின்னர், இந்திய துணை உயர்ஸ்தானிகர் இந்திய அங்காடிகளை பார்வையிட்டுள்ளார்.
இதன்போது கண்காட்சியின் சீனப் பகுதியை அவர் பார்வையிடுவார் என கலந்து கொண்டவர்கள் எதிர்பார்த்த நிலையில், துணை உயர்ஸ்தானிகர், இந்தியப் பகுதியைப் பார்வையிட்டவுடன் உடனடியாக வெளியேறியிருந்தமையும் குறிப்பிடத்தக்கது.
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
