இலங்கை வரலாற்றில் நியாயப்படுத்த முடியாத கொடூரம் :கறுப்பு ஜுலை
இலங்கையில் அரங்கேற்றப்பட்ட கறுப்பு ஜுலையே இலங்கை வரலாற்றில் ஒரு கறுப்பு பக்கம், என்றுமே நியாயப்படுத்த முடியாத கொடூரம் என தேசிய மக்கள் சக்தியின் தலைவரும், நாடாளுமன்ற உறுப்பினருமான அநுரகுமார திஸாநாயக்க தெரிவித்தார்.
இவ்வாறான அவலங்களால் தான் ஆயுதப் போராட்டம் உருவாகி, தற்கொலைப் போராளிகள்கூட உருவாகினர் என அவர் மேலும் குறிப்பிட்டார்.
தொடர்ந்தும் கருத்து தெரிவிக்கையில்
போரின் விளைவுகள்
“மாவட்ட அதிகார சபைக்கான தேர்தலின்போது, ஜே.ஆர். ஜயவர்தன யாழ்ப்பாணத்தில் கட்டாயம் தான் வெற்றிபெற வேண்டும் என்பதற்காக யாழ். நூலகத்தை எரித்து வாக்குகளை சேர்த்துக்கொண்டார். இதனை காமினி ஜயவிக்கிரம பெரேரா என்ற காவல்துறை அதிகாரியே வழிநடத்தியுள்ளார்.
இலங்கையில் இடம்பெற்ற 30 வருட போரில் வடக்கிலும், தெற்கிலும் உயிரிழப்புகள் இடம்பெற்றன. தெற்கிலும் போர் வீரர்கள் உள்ளனர், வடக்கில் உள்ள மக்கள் நினைப்பதுபோல் அவர்களுக்கும் போர் வீரர்கள் உள்ளனர்.
வடக்கில் உள்ள தாய் தமது பிள்ளையின் படத்தை வைத்துக்கொண்டு வீதியில் போராடுகின்றார், தெற்கில் உள்ள தாய், இராணுவ நினைவு தூபிக்கு முன்னால் நின்றுகொண்டு தனது மகனின் பெயரை தேடுகின்றார். போரால் வடக்கிற்கும், தெற்கிற்கும் எஞ்சியது என்ன? போர் முடிந்துவிட்டது, நாம் அனைவரும் தோல்வி அடைந்துவிட்டோம்.
நிலத்திற்கான போராட்டங்கள்
மன்னாரை மீட்பதற்கு கடும் யுத்தம் இடம்பெற்றது. அது தமது மண் என வடக்கு இளைஞர்கள் போரிட்டனர், அந்தப் பகுதியை தம்முடன் இணைத்துக்கொள்ள தெற்கு இளைஞர்கள் போரிட்டனர். ஆனால் இன்று மன்னாரில் ஆயிரக்கணக்கான ஏக்கர் அதானிக்கு வழங்கப்பட்டு 4ஆயிரம் மெகா வோல்ட் காற்றாலை மின் உற்பத்தி இடம்பெறவுள்ளது.
பூநகரிக்காகவும் சண்டை இடம்பெற்றது. அந்த இடமும் இன்று காற்றாலை மின் உற்பத்திக்காக அதானிக்கு வழங்கப்படவுள்ளது.
இதேவேளை திருகோணமலையில் பொருளாதார நிலையம் அமைப்பதற்காகவும் இந்தியாவுக்கு இடங்கள் வழங்கப்படவுள்ளன, இந்தியாதான் இன்று உரிமையாளராகிவிட்டது. துன்பம், வேதனை, கசப்பான வரலாறு என்பவையே எமக்கு எஞ்சியுள்ளன.
வடக்கிலும் இனவாதம் உள்ளது, தெற்கிலும் உள்ளது, அவற்றுக்கு அப்பால் நாம் அனைவரும் இலங்கையர்களாக இணைந்து, இன ஐக்கியத்தை ஏற்படுத்திக்கொண்டு புதிய சுதந்திரப் போராட்டத்தை ஆரம்பிக்க வேண்டும். ” – என தெரிவித்தார்.
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
