நாளை வேலை நிறுத்த போராட்டம் தொடர்பில் வெளியான தகவல்
நாளை மே 6 ஆம் திகதி வெள்ளிக்கிழமை ஆரம்பிக்கப்படவுள்ள வேலைநிறுத்தத்திற்கு ஆதரவளிக்கப் போவதில்லை என அத்தியாவசிய சேவைகளை வழங்கும் நிறுவனங்களின் தொழிற்சங்கப் பிரதிநிதிகள் தீர்மானித்துள்ளதாக அரச தலைவர் அலுவலகம் தெரிவித்துள்ளது.
குறுகிய அரசியல் ஆதாயங்களை அடைவதற்காக பொது மக்களுக்கு இடையூறு ஏற்படுத்தும் வகையில் இந்த வேலைநிறுத்தம் ஏற்பாடு செய்யப்பட்டுள்ளதாக தொழிற்சங்க பிரதிநிதிகள் தெரிவித்தனர்.
தங்களுடைய சேவைகளை தடையின்றி வழங்குவதற்கு தேவையான அனைத்து நடவடிக்கைகளையும் எடுப்பதாக அவர்கள் மேலும் தெரிவித்தனர்.
நேற்று (03) மாலை கொழும்பு கோட்டையில் உள்ள அரச தலைவர் மாளிகையில் அரச தலைவர் கோட்டாபய ராஜபக்சவுடன் இடம்பெற்ற சந்திப்பின் போதே தொழிற்சங்க பிரதிநிதிகள் இதனைத் தெரிவித்துள்ளனர்.
திட்டமிடப்பட்ட வேலைநிறுத்தம் தொழிலாளர்களின் உரிமைகளுக்காக அல்ல என்றும் பல அரசியல் கட்சிகளின் நலனுக்காகவும் நடத்தப்பட்டதாக தொழிற்சங்க பிரதிநிதிகள் சுட்டிக்காட்டினர்.
தற்போது நிலவும் பொருளாதார நெருக்கடியை அதிகப்படுத்தவும், மக்களை ஒடுக்கவும் இந்த வேலைநிறுத்தம் மேற்கொள்ளப்பட்டுள்ளது.
எனவே, நிலைமையை புரிந்து கொண்டு, மக்களின் வாழ்வில் அசம்பாவிதம் ஏற்படாமல் பார்த்துக் கொள்ள வேண்டியது அனைத்து ஊழியர்களின் கடமையும் பொறுப்பும் என தொழிற்சங்க பிரதிநிதிகள் தெரிவித்தனர்.
பொருளாதார நெருக்கடியை சமாளிக்க புதிய வழிமுறைகளை கடைப்பிடித்து அரசியல் பிளவுகளிலிருந்து விலகிச் செல்ல வேண்டியதன் அவசியத்தை சுட்டிக்காட்டிய அரச தலைவர், பொருளாதார நெருக்கடியை தீவிரப்படுத்துவதே வேலைநிறுத்தங்களின் பின்னணியில் உள்ள அரசியல் நோக்கமாகும் என்றும் கூறினார்.
இந்த நிலைமையை உணர்ந்த பின்னர், நிறுவனங்களை வீழ்ச்சியடைய அனுமதிக்காமல் இருப்பது இன்றியமையாதது என்று அவர் மேலும் கூறினார். கடந்த ஏப்ரல் மாதம் 28ஆம் திகதி வேலை நிறுத்தத்தை பொருட்படுத்தாமல் தமது கடமைகளை ஆற்றிய தொழிலாளர்களுக்கு நன்றி தெரிவித்த அரச தலைவர், நிலைமையை புரிந்துகொண்டு மக்கள் இயல்பு வாழ்க்கைக்கு தேவையான உதவிகளை வழங்குமாறு அனைத்து தொழிற்சங்கங்களையும் கேட்டுக்கொண்டார்.
அமைச்சர்களான திலும் அமுனுகம, மொஹான் டி சில்வா, காஞ்சன விஜேசேகர, பிரமித பண்டார தென்னகோன், பாராளுமன்ற உறுப்பினர் காமினி லொக்குகே, அரச தலைவரின் செயலாளர் காமினி செனரத், போக்குவரத்து, மின்சாரம் மற்றும் எரிசக்தி மற்றும் துறைமுகம் மற்றும் கப்பல் அமைச்சுக்களின் செயலாளர்கள், நிறுவனங்களின் தலைவர்கள், தொழிற்சங்க பிரதிநிதிகள் ஆகியோரும் கூட்டத்தில் கலந்து கொண்டனர்.
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
சரசாலை வடக்கு, சுவிஸ், Switzerland, England, United Kingdom
14 Sep, 2020
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
Sea Port Estate, Malaysia, Petaling Jaya, Malaysia, Montreal, Canada, Scarborough, Canada, Oakville, Canada
11 Sep, 2026
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
