சட்டவிரோதமாக கைதான வைத்தியர் ஷாபி :வெளிவரப்போகும் உண்மைகள்

Sri Lanka Police Kandy Sri Lanka Police Investigation

By Sumithiran Nov 23, 2024 09:40 PM GMT

Sumithiran

in குற்றம்

Report

இட்டுக்கட்டப்பட்ட ஆதாரங்களின் அடிப்படையில் தான் சட்டவிரோதமாக கைது செய்யப்பட்டதாக தெரிவித்து, வைத்தியர் ஷாபி ஷிஹாப்தீன்(Dr. Shafi Shihabdeen) பொது பாதுகாப்பு அமைச்சகத்தில் முறைப்படி புகார் அளித்துள்ளார்.

இதற்கு பதில் அளித்த காவல் கண்காணிப்பாளர் (ஐஜிபி) குற்றச்சாட்டுகள் குறித்து விசாரணை நடத்த உத்தரவிட்டுள்ளார்.

இரண்டு காவல்துறை அதிகாரிடம் வாக்குமூலம்

இந்த விசாரணையின் ஒரு பகுதியாக வடமேல் மாகாண சிரேஷ்ட பிரதி காவல்துறை மா அதிபர் கித்சிறி ஜயலத்(Kithsiri Jayalath) மற்றும் கண்டி(kandy) மாவட்ட பதில் பிரதி காவல்துறை மா அதிபர் மஹிந்த திஸாநாயக்க(Mahinda Dissanayake) ஆகியோரிடம் வாக்குமூலம் பதிவு செய்யப்படும் என கொழும்பு ஊடகமொன்று செய்தி வெளியிட்டுள்ளது.

சட்டவிரோதமாக கைதான வைத்தியர் ஷாபி :வெளிவரப்போகும் உண்மைகள் | Investigation Dr Shafi Shihabdeen S Arrest

வடமேல் மாகாணத்திற்கு பொறுப்பாக இருந்த அப்போதைய பிரதி காவல்துறை மா அதிபர் கித்சிறி ஜயலத்தின் கீழ் செயற்பட்ட குழுவினால் 2019 மே 25 ஆம் திகதி வைத்தியர் ஷிஹாப்தீன் கைது செய்யப்பட்டார்.

பத்து நபர்களின் சாட்சியத்தின் அடிப்படையில் வைத்தியர் கைது

ஏறக்குறைய 1,000 தாய்மார்களுக்கு தீங்கு விளைவிக்கும் செயல்களைச் செய்ததாக அவர் குற்றம் சாட்டப்பட்டார். பத்து நபர்களின் சாட்சியத்தின் அடிப்படையில் வைத்தியர் கைது செய்யப்பட்டதாக தெரிவிக்கப்பட்டுள்ளது.

எனினும், இந்த பத்து சாட்சியங்களில் ஒன்பது சாட்சியங்கள் புனையப்பட்டவை என்றும்,திகதிகள் வேண்டுமென்றே மாற்றப்பட்டவை என்றும் விசாரணைகளில் இருந்து தெரியவந்துள்ளது.

வைத்தியர் ஷிஹாப்தீன் கைது செய்யப்பட்டதன் பின்னணியில் உள்ள உண்மையை வெளிக்கொணருவதற்கும், பொய்யான ஆதாரங்களின் குற்றச்சாட்டுகளை நிவர்த்தி செய்வதற்கும் இந்த முயற்சி ஒரு குறிப்பிடத்தக்க படியென தெரிவிக்கப்படுகிறது.