அணியில் தொடரும் சிக்கல்: 5 முறை பஞ்சாப்புடன் தோல்வி- பதிலடி கொடுக்குமா சென்னை சூப்பர் கிங்ஸ்!
Shadhu Shanker
in கிரிக்கெட்
விறுவிறுப்பான ஐபிஎல் தொடரில் இன்று(5) சென்னை சூப்பர் கிங்ஸ்(Chennai super kings) மற்றும் பஞ்சாப் கிங்ஸ் அணிகள் மோதுகின்றன.
குறித்த போட்டியானது, இன்று பிற்பகல் 3.30 மணிக்கு தரம்சாலாவில் உள்ள இமாச்சல பிரதேச கிரிக்கெட் சங்க மைதானத்தில் இடம்பெறவுள்ளது.
ருதுராஜ் கெய்க்வாட்(Ruturaj Gaikwad) தலைமையிலான சென்னை சூப்பர் கிங்ஸ் அணி 10 போட்டிகளில் விளையாடி 5 வெற்றி, 5 தோல்வி என 10 புள்ளிகளுடன் 5வது இடத்தில் உள்ளது.
மீண்டும் மோதல்
பஞ்சாப் கிங்ஸ் அணி 10 போட்டிகளில் விளையாடி 4 வெற்றி, 6 தோல்விகளுடன் 8 புள்ளிகள் பெற்று பட்டியலில் 7வது இடத்தில் உள்ளது.
இந்த இரு அணிகளும், இந்த சீசனில் 2-வது முறையாக நேருக்கு நேர் மோதுகின்ற நிலையில், கடந்த 1ஆம் திகதி சேப்பாக்கத்தில் நடைபெற்ற போட்டியில் பஞ்சாப் கிங்ஸ் அணி சென்னை சூப்பர் கிங்ஸ் அணியை 7 விக்கெட்கள் வித்தியாசத்தில் வீழ்த்தியது.
இந்த தோல்வியுடன் சென்னை சூப்பர் கிங்ஸ் அணியானது தொடர்ந்து 5 முறை பஞ்சாப் கிங்ஸ் அணியுடன் தோல்வியடைந்துள்ளது.
சிஎஸ்கேவின் பலவீனம்
சென்னை சூப்பர் கிங்ஸ் அணியை பொறுத்தவரை, துடுப்பாட்டத்தில் ருதுராஜ் கெய்க்வாட், ஷிவம் துபே ஆகியோரை மட்டும் நம்பியிருப்பது போல உள்ளது. இவர்களின் விக்கெட்டுக்கள் வீழ்த்தப்பட்டால் அணியின் ஓட்டங்கள் மட்டுப்படுத்தப்படுகின்றன.
இந்நிலையில், சென்னை அணியின் பந்து வீச்சாளர்கள் காயத்தில் சிக்கியிருப்பது அணிக்கு மேலும் பின்னடைவை ஏற்படுத்துகின்றது.
கடந்த போட்டியில், இரு பந்துகள் மட்டுமே வீசிய நிலையில் தொடை பகுதியில் ஏற்பட்ட காயம் காரணமாக தீபக் சஹர்(Deepak Chahar) வெளியேறினார்.
தொடரும் சிக்கல்
உடல் நலக்குறைவால் பாதிக்கப்பட்ட துஷார் தேஷ்பாண்டே பாதிக்கப்பட்டுள்ள நிலையில், மதீஷா பதிரனாவும் விளையாடுவாரா என்பது கேள்விக்குறியே.
இதேவேளை, சிறப்பாக செயல்பட்ட முஸ்தபிசுர் ரஹ்மானும் பங்களாதேஸ் சென்றுவிட்டார். இவ்வாறான நிலையில், இன்றைய ஆட்டத்தில் முகேஷ் சவுத்ரி, ராஜ்வர்தன் ஹங்கர்கேகர் ஆகியோருக்கு வாய்ப்பு வழங்கப்படக்கூடும் என எதிர்ப்பார்க்கப்படுகின்றது.
இனிவரும் 4 போட்டிகளில் 3 போட்டியில் ஜெயித்தால் மட்டுமே, சென்னை சூப்பர் கிங்ஸ் அணி புள்ளிப்பட்டியலில் 4 இடத்தை பிடித்து பிளேஓப் செல்ல முடியும் என்பது குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
