சென்னை வந்தடைந்த ரவீந்திர ஜடேஜா: மகிழ்ச்சியில் சிஎஸ்கே இரசிகர்கள்
Shadhu Shanker
in கிரிக்கெட்
சென்னை சுப்பர்கிங்ஸ் அணியின் நட்சத்திர ஆல்-ரவுண்டர் ரவீந்திர ஜடேஜா சேப்பாக்கத்தில் உள்ள சிஎஸ்கே முகாமிற்கு இன்று வந்தடைந்துள்ளார்.
ஐபிஎல் தொடரானது இம்மாதம் ஆரம்பமாகவுள்ள நிலையில் முதலாவது போட்டியில் ராயல் சேலஞ்சர்ஸ் பெங்களூர் அணியுடன் சென்னை அணி மோதுகின்றது.
இதற்கமைய, சென்னை சுப்பர்கிங்ஸ் அணியின் ஆயத்த முகாம் மார்ச் 2 அன்று தொடங்கியது. அதன்போது ருதுராஜ் கெய்க்வாட், ராஜ்வர்தன் ஹங்கர்கேகர், முகேஷ் சவுத்ரி மற்றும் பிரசாந்த் சோலங்கி போன்றவர்கள் சேப்பாக்கத்தில் முகாமில் இணைந்தனர்.
ரவீந்திர ஜடேஜா
எனினும் சிஸ்கே அணியின் நட்சத்திர வீரர் ரவீந்திர ஜடேஜா கலந்துக்கொள்ளாமல் இருந்தமை ரசிகர்களிடையே கவலையை ஏற்படுத்தியது.
இந்நிலையில் போட்டிகளுக்கு ஆயத்தமாகும் வகையில் சென்னை அணியின் நட்சத்திர ஆல் ரவுண்டரான ரவீந்திர ஜடேஜா சென்னையை வந்தடைந்துள்ளார்.
இது தொடர்பான புகைப்படத்தை சென்னை அணி தனது அதிகாரப்பூர்வ இன்ஸ்டாகிராம் பக்கத்தில் (raja here to conquer) என பதிவிட்டுள்ளது.
மகிழ்ச்சியில் இரசிகர்கள்
ஐபிஎல்லில், ஜடேஜா 226 போட்டிகள் மற்றும் 173 இன்னிங்ஸ்களில் விளையாடியுள்ளார், அதில் அவர் 128.62 ஸ்ட்ரைக் ரேட்டில் 2692 ஓட்டங்கள் எடுத்துள்ளார் மேலும், 152 விக்கெட்டுகளுடன் ஐபிஎல்லில் ஏழாவது அதிக விக்கெட் எடுத்தவர் ஆவார்.
எனவே, ஜடேஜா சென்னை வந்தடைந்துள்ளது இணையத்தில் தற்போது வைரலாகி வருவதோடு, ரசிகர்களுக்கு உற்சாகத்தில் பகிர்ந்து வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
