ஐபிஎல் 2024: புள்ளிப்பட்டியலில் ஏற்பட்டுள்ள முக்கிய மாற்றம்
Shadhu Shanker
in கிரிக்கெட்
ஐபிஎல் தொடர் ஆரம்பமாகி 29 லீக் ஆட்டங்கள் முடிவடைந்த நிலையில் புள்ளி பட்டியலிலும் மாற்றங்கள் ஏற்பட்டுள்ளன.
ஐபிஎல் தொடரில் நேற்று நடைபெற்ற போட்டிகளில் கொல்கத்தா மற்றும் சென்னை அணிகள் வெற்றி பெற்றன.
ஐபிஎல் தொடரின் 17-வது சீசன் இந்தியாவில் பல்வேறு நகரங்களில் சிறப்பாக நடைபெற்று வருகிறது.
கடந்த மாதம் 22ஆம் திகதி தொடங்கிய இந்த தொடரில் இதுவரை 29 லீக் ஆட்டங்கள் முடிவடைந்துள்ளன.
புள்ளி பட்டியல்
இதில் நேற்று 2 லீக் ஆட்டங்கள் நடைபெற்றிருந்த நிலையில் மாலை 3.30 மணிக்கு தொடங்கிய ஆட்டத்தில் லக்னோ அணியை வீழ்த்தி கொல்கத்தா அணி வெற்றிப்பெற்றது.
இரவு 7.30 மணியளவில் நடைபெற்ற ஆட்டத்தில் மும்பை அணியை வீழ்த்தி சென்னையும் வெற்றி பெற்றது. இது 2 அணிகளுக்கும் 4-வது வெற்றியாக இந்த வெற்றி பதிவானது.
இந்நிலையில் புள்ளிப்பட்டியலில் மாற்றங்கள் ஏற்பட்டன. 6 போட்டிகளில் விளையாடி அதில் ஒன்றில் மட்டுமே தோல்வி அடைந்துள்ள ராஜஸ்தான் ரோயல்ஸ் அணி 10 புள்ளிகளுடன் முதலிடத்தில் உள்ளது.
அணிகளின் நிலை
கொல்கத்தா மற்றும் சென்னை அணிகள் தலா 8 புள்ளிகள் பெற்றிருந்தாலும் நிகர ஓட்ட விகிதம்(run rate) அடிப்படையில் கொல்கத்தா 2-வது இடத்திலும், சென்னை 3-வது இடத்திலும் உள்ளன.
தலா 6 புள்ளிகள் பெற்ற நிலையில்,நிகர ஓட்ட விகித அடிப்படையில் ஐதராபாத் 4-வது இடத்திலும், லக்னோ 5-வது இடத்திலும், குஜராத் 6-வது இடத்திலும் உள்ளன.
பஞ்சாப், மும்பை மற்றும் டெல்லி அணிகள் முறையே தலா 4 புள்ளிகளுடன் 7,8 மற்றும் 9-வது இடத்தில் உள்ளன.
6 போட்டிகளில் விளையாடி அதில் ஒரு வெற்றி மட்டுமே கண்டுள்ள ராயல் சேலஞ்சர்ஸ் பெங்களூரு அணி புள்ளி பட்டியலில் கடைசி இடத்தில் உள்ளமை குறிப்பிடத்தக்கது.
Here’s how the Points Table looks like after 29 matches of #TATAIPL 2024 ?
— IndianPremierLeague (@IPL) April 14, 2024
Does your favourite team feature in the Top 4? ? pic.twitter.com/R7EPWTGyfR
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
