பிரதான நோக்கம் இதுவே.!அமெரிக்கர்களின் பொருளாதார நிலைமையை புறக்கணித்த ட்ரம்ப்!
அமெரிக்கர்களின் பொருளாதார நிலைமை குறித்து தான் சிந்திக்கவில்லை என்றும், ஈரானிடம் அணு ஆயுதம் இல்லை என்பதை உறுதிப்படுத்துவது மட்டுமே தனது ஒரே நோக்கம் என்று டொனால்ட் ட்ரம்ப் அறிவித்துள்ளார்.
நவம்பர் மாதம் நடைபெறவுள்ள இடைக்காலத் தேர்தல்களில் மக்களின் வாழ்க்கைச் செலவு அதிகரிப்பு ஒரு முக்கிய பிரச்சினையாக உள்ள நிலையில், ட்ரம்பின் இந்தக் கருத்துக்கள் அரசியல் ரீதியாக விமர்சனங்களை எழுப்பியுள்ளதாக சர்வதேச வட்டாரங்கள் தெரிவிக்கின்றன.
பொருளாதாரப் பாதிப்பு
இந்த நிலையில், ஈரான் யுத்தத்தை முடிவுக்குக் கொண்டு வருவதற்கான பேச்சுவார்த்தைகளில், அமெரிக்கர்களின் நிதி நெருக்கடிகள் தனது முடிவுகளில் எந்தத் தாக்கத்தையும் ஏற்படுத்தவில்லை என ட்ரம்ப தெரிவித்துள்ளார்.
Image Credit: CNBC TV18
ஈரான் யுத்தத்தினால் எரிசக்தி மற்றும் எரிபொருள் விலைகள் உயர்ந்துள்ளதோடு, ஏப்ரல் மாதத்தில் அமெரிக்காவின் நுகர்வோர் பணவீக்கம் கடந்த மூன்று ஆண்டுகளில் இல்லாத அளவு அதிகரித்துள்ளது.
இதன் காரணமாக, பொருளாதாரப் பாதிப்புகள் தேர்தல்களில் குடியரசுக் கட்சிக்குப் பின்னடைவை ஏற்படுத்தும் என அந்தக் கட்சியின் உறுப்பினர்களே கவலை தெரிவித்துள்ளனர்.
ட்ரம்ப் தரப்பின் பிடிவாதம்
இருப்பினும், பொருளாதாரக் கவலைகளை விட தேசிய மற்றும் உலகளாவிய பாதுகாப்பே முக்கியமானது என ட்ரம்ப் தரப்பு வாதிடுகிறது.
Image Credit: PBS
இதேவேளை, ஈரானின் அணு ஆயுதத் தயாரிப்புக்கான கால அவகாசம் கடந்த கோடை காலத்திலிருந்து மாறவில்லை என அமெரிக்க உளவுத்துறை மதிப்பீடுகள் தெரிவிக்கின்றன.
ஈரான் தனது அணுசக்தித் திட்டம் அமைதி வழிப்பயன்பாட்டிற்கானது என்று கூறிவரும் நிலையில், மேற்கத்திய நாடுகள் அதன் நோக்கத்தைச் சந்தேகக் கண்ணோடு பார்த்து வருகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
