பற்றியெரிந்த அமெரிக்க இராணுவத் தளம்! முழுமையான வெற்றியுடன் ஈரானின் 66-வது அலை தாக்குதல்

ஈரானின் இஸ்லாமியப் புரட்சிகரப் பாதுகாப்புப் படை (IRGC), 'ஒபரேஷன் ட்ரூ ப்ராமிஸ் 4'-இன் 66-வது அலைத் தாக்குதலைத் தொடங்கியுள்ளதாக தெரிவித்துள்ளது.

இத்தாக்குதல், டெல் அவிவ் உள்ளிட்ட மத்திய மற்றும் தெற்கு இஸ்ரேலில் உள்ள இடங்களையும், பிராந்தியம் முழுவதும் உள்ள அமெரிக்க இராணுவத் தளங்களையும் குறிவைத்துள்ளது.

குறிப்பாக ஈராக்கின் அமெரிக்கப் படைகள் பயன்படுத்தும் அல்-ஹரீர் இராணுவத் தளம் அமைந்துள்ள எர்பில் மாகாணத்தின் சோரன் மாவட்டத்தில், ஒரு தாக்குதலைத் தொடர்ந்து தீ விபத்து ஏற்பட்டதாக ஈராக்கிய ஊடகங்கள் செய்தி வெளியிட்டுள்ளன.

ஹார்முஸ் ஜலசந்தி முடக்கம் - அமெரிக்காவுடன் களமிறங்கும் இஸ்ரேலிய உளவுத்துறை: நெதன்யாகு அதிரடி

அமெரிக்கப் படைகள்

வடக்கு ஈராக்கில் அமெரிக்கப் படைகள் தங்கியுள்ள பகுதிக்கு அருகே இந்தச் சம்பவம் நிகழ்ந்துள்ளது. இது, அப்பகுதி முழுவதும் அமெரிக்காவுடன் தொடர்புடைய இராணுவத் தளங்கள் மீதான அழுத்தம் அதிகரித்து வருவதை மேலும் காட்டுகிறது.

இது தொடர்பில் IRGC வெளியிட்ட அறிக்கையின் படி, பல்வேறு வகையான ஏவுகணை அமைப்புகள் மற்றும் ட்ரோன்களைப் பயன்படுத்தி இந்த நடவடிக்கை “முழுமையான வெற்றியுடன்” மேற்கொள்ளப்பட்டதாக ஐ.ஆர்.ஜி.சி. தெரிவித்துள்ளது.

அந்த அறிக்கையின்படி, இந்தத் தாக்குதலில் ட்ரோன்களுடன், திட மற்றும் திரவ எரிபொருள் ஏவுகணைகள், கனரக ஏவுகணைகள், கிளஸ்டர் குண்டுகள் கொண்ட அமைப்புகள், மற்றும் கத்ர், கோர்ரம்ஷஹர், கைபர் ஷேக்கான், கியாம், சுல்பிகார் உள்ளிட்ட நடுத்தர தூர ஏவுகணைகளும் பயன்படுத்தப்பட்டன.

இஸ்ரேலுக்குள் அதிகளவில் தாக்குதல் அழுத்தம் உணரப்பட்டு வருகிறது” என கூறப்பட்டுள்ளது.

தாக்குதல் தொடர்ந்த நிலையில், ஜெருசலேம், கலிலீ மற்றும் ஹைஃபாவை நோக்கி கூடுதல் ஏவுகணைகள் ஏவப்பட்டதாகத் தெரிவிக்கப்பட்டது.

ஹைஃபாவில் உயிரிழப்புகள் எதுவும் பதிவாகவில்லை என்றும், ஜெருசலேம் மற்றும் அதன் சுற்றுவட்டாரப் பகுதிகளில் பெரிய சம்பவங்கள் எதுவும் பதிவு செய்யப்படவில்லை என்றும் இஸ்ரேலிய அவசரகால சேவைகள் தெரிவித்துள்ளமை குறிப்பிடத்தக்கது. 

ஹோர்முஸ் நீரிணையில் கப்பல்களுக்குச் சுங்கக் கட்டணம்: ஈரான் அதிரடி