மத்திய கிழக்குக்கு அமைதியை கொண்டுவர சீனாவின் இராஜதந்திர நகர்வு: வரவேற்கும் ஈரான்

United States of America China Iran Middle East World

By Shalini Balachandran Nov 10, 2026 11:14 PM GMT

Shalini Balachandran

in உலகம்

Report

மத்திய கிழக்கு பிராந்தியத்தில் நிலவி வரும் போரையும் போரும் இல்லாத சமாதானமும் இல்லாத தற்போதைய நிச்சயமற்ற சூழலையும் முடிவுக்குக் கொண்டுவருவதில் சீனா மிக முக்கியப் பங்காற்ற முடியும் என தெரிவிக்கப்பட்டுள்ளது.

ஈரானிய நாடாளுமன்ற சபாநாயகர் முகமது பாகர் கலிபாஃப் (Mohammad Bagher Ghalibaf) இதனை தெரிவித்துள்ளார்.

சர்வதேச ஊடகமொன்றிற்கு வழங்கிய நேர்காணலில் அவர் இதனை தெரிவித்துள்ளார்.

இராஜதந்திர நகர்வுகள்

இது தொடர்பில் மேலும் தெரிவித்த அவர்,

ஈரான் மற்றும் வளைகுடா அரபு நாடுகளுடன் சீனா கொண்டுள்ள நல்லுறவும், பீஜிங்கின் அமைதி சார்ந்த இராஜதந்திர நகர்வுகளும் பிராந்தியத்தின் நிலைத்தன்மையை வலுப்படுத்தவும் மற்றும் ஒரு புதிய பிராந்தியக் கட்டமைப்பை உருவாக்கவும் ஒரு சிறந்த வாய்ப்பை வழங்குகின்றன என கலிபாஃப் சுட்டிக்காட்டியுள்ளார்.

சீனாவுடனான உறவுகள் தொடர்பாக ஈரானின் உச்ச தலைவர் விரிவான வழிகாட்டுதல்களை வழங்கியுள்ளதாக அவர் குறிப்பிட்டுள்ளார்.

மத்திய கிழக்குக்கு அமைதியை கொண்டுவர சீனாவின் இராஜதந்திர நகர்வு: வரவேற்கும் ஈரான் | Iran Urges China To Mediate Mideast Peace

சடங்கு ரீதியான உடன்பாடுகளுக்கு அப்பால் இரு நாடுகளுக்கும் இடையிலான 25 ஆண்டு கால விரிவான மூலோபாயக் கூட்டுறவு ஒப்பந்தத்தை விரைந்து செயல்படுத்துவது அவசியம் என அவர் வலியுறுத்தியுள்ளார்.

சீனாவுடனான பொருளாதார மற்றும் மூலோபாய திட்டங்களை விரைவாக செயல்படுத்தவும் மற்றும் உயர் மட்ட ஒருங்கிணைப்பை ஏற்படுத்தவும் பிரத்யேக உயர்நிலைக் கண்காணிப்பு அமைப்பொன்று அமைக்கப்படும் என்றும் கலிபாஃப் அறிவித்துள்ளார்.

இதன்மூலம் அமெரிக்கா மற்றும் ஈரானுக்கு இடையே நேரடி இராஜதந்திரப் பேச்சுவார்த்தைகளில் தாமதம் நிலவி வரும் சூழலிலும் ஹோர்முஸ் நீரிணை (Strait of Hormuz) மீதான தடைகள் தொடரும் வேளையிலும் மத்திய கிழக்கில் அமைதியைத் திரும்பக் கொண்டு வர சீனாவின் மத்தியஸ்தத்தையும் இராஜதந்திரப் பங்களிப்பையும் ஈரான் பெரிதும் வரவேற்பதாக தெரிவிக்கப்படுகின்றமை குறிப்பிடத்தக்கது.