ஆடைகள் இன்றி சரணடைந்த தாக்குதல் தளபதி: இஸ்ரேல் வெளியிட்டுள்ள அதிர்ச்சி வீடியோ!!
ஈரான் மீதான இஸ்ரேலின் வான்தாக்குதல் தொடர்பான செய்மதிப் புகைப்படங்களும், புதிய புதிய தகவல்களும் ஒரு பக்கம் வெளிவந்து கொண்டிருக்க, மத்திய கிழக்கைப் போர்மேகம் சுழ்ந்து கொண்டிருப்பதை உணர்த்தும் பல செய்திகள் தொடர்ச்சியாக வெளிவந்து மனங்களைக் கிலிகொள்ள வைத்துக் கொண்டிருக்கின்றது.
'இஸ்ரேல் மீது யாரும் கற்பனை செய்து கூடப் பார்க்க முடியாத தாக்குதலை நடாத்துவோம்' என்று ஈரான் தற்பொழுது கூற ஆரம்பித்திருக்கின்றது.
ஈரான் மீதான தாக்குதலுக்கு ஈராக் மற்றும் சவுதி அரேபியாவிலுள்ள அமெரிக்க இராணுவத் தளங்கள் பயன்படுத்தப்பட்டனவா என்கின்ற கோணத்தில் ஒரு அவசரத் தேடலை ஈரான் மேற்கொண்டு வருவதான செய்திகளும் சேர்ந்து வெளியாகிக் கொண்டிருக்கின்றன.
அதேவேளை, காசாவிலும், லெபனானிலும் பல சரணடைவுகள் இடம்பெற்றுவருவதாக சர்வதேச ஊடகங்கள் செய்தி வெளியிட்டு வருகின்றன.
சில இஸ்ரேலியச் சார்பு ஊடகங்களின் கூற்றின்படி, கடந்த ஒரு வாரத்தில் மாத்திரம் சுமார் 600 ஹமாஸ் உறுப்பினர்கள் இஸ்ரேலியப் படைகளிடம் சரணடைந்துள்ளதாகத் தெரியவருகின்றது.
ஹிஸ்புல்லாக்களின் களமுனைத் தளபதிகள், வீரர்கள் என்று பலர் இஸ்ரேலியப் படைகளிடம் சரணடைந்துவருகின்ற காட்சிகள் ஊடகங்களில் வெளியாகிக்கொண்டிருக்கின்றன. குறிப்பாக ஹிஸ்புல்லா அமைப்பின் தென் லெபனானுக்கான தாக்குதல் தளபதி Hassan Aqil Jawad, ஆடைகள் இன்றி இஸ்ரேலியப் படைகளிடம் சரணடைகின்ற வீடியோ வெளியாகி பரபரப்பை ஏற்படுத்தி வருகின்றது.
இந்த விடயங்கள் பற்றியும், லெபனானிலும் காசாவிலும் நடைபெற்றுவருகின்ற படை நடவடிக்கைகள் பற்றியும் பார்க்கின்றது இந்த 'உண்மையின் தரிசனம்' நிகழ்ச்சி
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கொடிய சட்டமான PTA கொண்டுவரப்பட்டு இன்றுடன் 47 ஆண்டுகள்… 19 மணி நேரம் முன்
ஆடிப்பிறப்பு ஈழத் தமிழரின் பண்பாட்டுப் பண்டிகை…
1 நாள் முன்
சாரையடி, வத்தளை, Riyadh, Saudi Arabia, North York, Canada
14 Jul, 2026
