ரஷ்ய தாக்குதல் :133 ஆக உயர்ந்தது உயிரிழப்பு : தாக்குதல் சந்தேக நபர்கள் கைது (இரண்டாம் இணைப்பு)
குரோகஸ் கச்சேரி அரங்கு தாக்குதலில் உயிரிழந்தவர்களின் எண்ணிக்கை தற்போது 133 ஆக உயர்ந்துள்ளதாக ரஷ்ய விசாரணைக் குழு தெரிவித்துள்ளது.
அவசரகால சேவைகள் பணியாளர்கள் தொடர்ந்து இடிபாடுகளை அகற்றி வருவதால், அவர்கள் மேலும் உடல்களைக் கண்டுபிடித்து வருவதாக தெரிவித்துள்ளனர்.
(முதலாம் இணைப்பு)
ரஷ்ய தலைநகர் மொஸ்கோவின் எல்லையில் உள்ள கச்சேரி அரங்கில் துப்பாக்கிதாரிகள் நடத்திய தாக்குதலில் உயிரிழந்தவர்களின் எண்ணிக்கை 115 ஆக அதிகரித்துள்ளதுடன் 140 பேர் காயமடைந்துள்ளதாக ரஷ்ய பாதுகாப்பு சேவைகள் தெரிவிக்கின்றன.
அத்துடன் தாக்குதல் நடத்திய 11 சந்கேநபர்கள் கைது செய்யப்பட்டதாக ரஷ்ய அதிகாரிகள் தெரிவித்துள்ளனர்.
சனிக்கிழமையன்று கைது செய்யப்பட்ட 11 பேரில் நேரடியாக தொடர்புடைய நான்கு பேர் அடங்குவர் என்று அதிகாரிகள் கூறுகின்றனர்.
பலியானவர்களின் எண்ணிக்கை உயரக்கூடும்
குரோகஸ் கச்சேரி அரங்கின் மீதான தாக்குதலில் பலியானவர்களின் எண்ணிக்கை இன்னும் "கணிசமான அளவு உயரக்கூடும்" என்று மொஸ்கோ பிராந்தியத்தின் ஆளுநர் Andrei Vorobyev தெரிவித்துள்ளார்.
140 க்கும் மேற்பட்டோர் காயமடைந்தனர் மற்றும் அவர்களில் ஒரு குழந்தை உட்பட பதினாறு பேர் இன்னும் "மிகவும் மோசமான நிலையில்" உள்ளனர், என ரஷ்ய அதிகாரிகள் கூறுகின்றனர்.
மேலும் 44 பேர் ஆபத்தான நிலையில் உள்ளனர், மொத்தம் 107 பேர் மருத்துவமனையில் சிகிச்சை பெற்று வருவதாக அமைச்சகம் தெரிவித்துள்ளது.
பாதிக்கப்பட்டவர்களின் உறவினர்களுக்கு சம்பவத்தில் பாதிக்கப்பட்டவர்கள் தொடர்பான இருப்பிடம் மற்றும் நிலையை அறிந்து கொள்ள தொலைபேசி இணைப்பு திறக்கப்பட்டுள்ளது என்று ரஷ்யாவின் அரசுக்கு சொந்தமான செய்தி நிறுவனம் டாஸ் தெரிவித்துள்ளது.
ரஷ்யா மீதான பயங்கர தாக்குதல் : பொறுப்பேற்றது இஸ்லாமிய அமைப்பு
ரஷ்யாவில் நேற்றையதினம் நடத்தப்பட்ட தாக்குதலில் கொல்லப்பட்டவர்களின் எண்ணிக்கை 60 ஆக உயர்ந்துள்ளதாகவும் படுகாயமடைந்தோர் 100 எனவும் சர்வதேச ஊடகங்கள் தெரிவித்துள்ளன.
இதேவேளை இந்த தாக்குதலுக்கு ஆப்கானை சேர்ந்த ISIS-K என்ற அமைப்பு பொறுப்பேற்றுள்ளது.
புடின் மீது கடும் விமர்சனம்
இந்த தாக்குதலுக்கு பொறுப்பேற்றுள்ள ISIS-K என்ற அமைப்பு 2014 முதல் ஈரான், துர்க்மெனிஸ்தான் மற்றும் ஆப்கானிஸ்தானில் பரவலாக செயல்பட்டுவரும் குழுவாகும்.
ரஷ்ய அதிபர் விளாடிமிர் புடினை கடுமையாக விமர்சித்துவந்துள்ள ISIS-K அமைப்பு, இஸ்லாமியர்களை அடிமைகளாக நடத்துவதாக ரஷ்யா மீது குற்றஞ்சாட்டியுள்ளது.
எச்சரித்த வெள்ளைமாளிகை
இதனிடையே, மொஸ்கோ மீதான தாக்குதல் தொடர்பில் இந்த மாத தொடக்கத்தில் எச்சரித்ததாக வெள்ளைமாளிகை குறிப்பிட்டுள்ளது. ரஷ்ய அதிகாரிகளுடனும் உளவுத்தகவல்களை பகிர்ந்துகொண்டதாகவும் அமெரிக்கா தெரிவித்துள்ளது.
அதிபர் புடின்இந்த தாக்குதல் தொடர்பில் நேரடியாக உரையாற்றவில்லை, ஆனால் காயமடைந்தவர்கள் விரைவில் குணமடைய வேண்டுமென தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
இனவாதம் வாழ்வது வடக்கு கிழக்கில் இல்லை… தென்னிலங்கையில்தான்…
3 நாட்கள் முன்
போரின் அகக் காயங்களுடன் வாழும் மாற்றுத்திறனாளிகள் !
1 வாரம் முன்
அனலைதீவு 5ம் வட்டாரம், Brake (Unterweser), Germany, Munich, Germany
04 Dec, 2024
மலாக்கா, Malaysia, Kuala Lumpur, Malaysia, சரவணை, கந்தர்மடம், London, United Kingdom
08 Dec, 2024
புங்குடுதீவு 8ம் வட்டாரம், முள்ளியவளை
11 Dec, 2021
சித்தங்கேணி, யாழ்ப்பாணம், சிங்கப்பூர், Singapore, கொழும்பு
09 Dec, 2014
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
