யாழில் நள்ளிரவில் நடந்த வாள்வெட்டு சம்பவம்! ஒருவர் கைது
யாழ்ப்பாணம் - நீர்வேலி அம்மன் கோவில் சாந்தி அச்செழு பகுதியில் நேற்று இரவு இடம்பெற்ற வாள்வெட்டு சம்பவத்துடன் தொடர்புடைய ஒருவர் கைது செய்யப்பட்டுள்ளார்.
இந்த வாள்வெட்டு சம்பவம் நேற்று இரவு 10 மணியளவில் இடம்பெற்றுள்ளது.
இந்த சம்பவத்தில் வீட்டின் குடும்ப தலைவர் மற்றும் அவரது சகோதரர் பலத்த வாள்வெட்டு காயங்களுக்கு உள்ளாகி கோப்பாய் பிரதேச வைத்தியசாலையில் அனுமதிக்கப்பட்டு பின்னர் மேலதிக சிகிச்சைக்காக யாழ்ப்பாணம் போதனா வைத்தியசாலைக்கு மாற்றப்பட்டுள்ளனர்.
வாள்வெட்டு தாக்குதல்
44 வயதுடைய முருகையா மோகனதாஸ், 45 வயதுடைய முருகையா ஜெயமோகன் ஆகிய இருவர் மீதே வாள்வெட்டு தாக்குதல் மேற்கொள்ளப்பட்டுள்ளது.
10 மணி அளவில் வீட்டுக்குள் புகுந்த 20 பேர் கொண்ட கும்பல், கூரிய ஆயுதங்கள் மூலம் கதவினை உடைத்து உள்ளே புகுந்து சொத்ததுக்களுக்கு சேதம் விளைவித்ததுடன், வீட்டுக்கு முன்னால் நிறுத்தி வைக்கப்பட்டிருந்த மோட்டார் சைக்கிளை அபகரித்து சென்று, பிரதான வீதியில் வைத்து தீ மூட்டி விட்டு தப்பி சென்றுள்ளனர்.
சந்தேகத்தில் இன்று இளைஞன் ஒருவர் கைது செய்யப்பட்டுள்ளார்.
சம்பவம் தொடர்பில் அச்சுவேலி காவல்துறையினருக்கு தகவல் வழங்கப்பட்டு விசாரணைகள் இடம்பெற்று வருகின்றன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அனலைதீவு 3ம் வட்டாரம், புங்குடுதீவு 5ம் வட்டாரம், Bünde, Germany, Selm, Germany
11 Jul, 2024
