ஜெய்சங்கரை சந்தித்த மாலைதீவு வெளியுறவுத் துறை அமைச்சர்
இந்திய வெளியுறவுத்துறை அமைச்சர் ஜெய்சங்கருக்கும் மாலைதீவு வெளியுறவுத்துறை அமைச்சர் மூசா சமீர் ஆகியோருக்கு இடையில் சந்திப்பொன்று இடம்பெற்றது.
கம்பாலாவில் நேற்று (18) இடம்பெற்ற குறித்த சந்திப்பில் இரு நாடுகளுக்கும் இடையேயான உறவு குறித்து வெளிப்படையாக பேசப்பட்டதாக ஜெய்சங்கர் தெரிவித்தார்.
அணிசேரா நாடுகளின் 19வது உச்சிமாநாடு உகாண்டாவின் தலைநகர் கம்பாலாவில் நடைபெற்று வருகின்ற நிலையில் இந்த மாநாட்டில் பங்கேற்பதற்காக இந்திய வெளியுறவுத்துறை அமைச்சர் ஜெய்சங்கர் கம்பாலாவிற்கு சென்றுள்ளார்.
பிரதமர் மோடியின் லட்சத்தீவு பயணம்
இந்திய பிரதமர் நரேந்திர மோடி கடந்த மாதம் லட்சத்தீவு சென்றிருந்த நிலையில் அங்கு சுற்றுலாவை ஊக்குவிக்கும் வகையில் அவர் தனது டுவிட்டர் பக்கத்தில் காணொளி ஒன்றை வெளியிட்டார்.
குறித்த அந்தக் காணொளியையும், இந்திய பிரதமர் நரேந்திர மோடியையும், இந்தியர்களையும் விமர்சித்து மாலைதீவு அமைச்சர்கள் சர்ச்சைக்குரிய கருத்துகளைத் தெரிவித்தனர்.
இந்த விவகாரம் பூதாகாரமான நிலையில் மாலைதீவுக்கு சுற்றுலா செல்வதை இந்தியர்கள் பலரும் இரத்து செய்தனர்.
சுற்றுலாவை முக்கிய வருவாயாக கொண்டுள்ள மாலைதீவு, இந்திய சுற்றுலாப் பயணிகளின் இந்த நடவடிக்கையால் பாதிப்பை சந்திக்கும் என எதிர்பார்க்கப்படுகிறது.
மாலைதீவிலுள்ள இந்திய வீரர்கள்
இதேவேளை மாலைதீவில் ரோந்து விமானங்கள், கண்காணிப்பு பணிக்காக 88 வீரர்களை இந்தியா நிலைநிறுத்தியுள்ளது.
இந்த வீரர்களை மார்ச் 15ஆம் திகதிக்குள் திரும்பப்பெறும்படி மாலைதீவு அதிபர் முகமது முய்சு இந்தியாவுக்கு கோரிக்கை விடுத்துள்ளார்.
இந்தநிலையில், இந்திய வெளியுறவுத்துறை அமைச்சர் ஜெய்சங்கரை மாலைதீவு வெளியுறவுத்துறை அமைச்சர் நேற்று சந்தித்தமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
