வேட்டையாடப்படும் விலங்கு பட்டியலில் கரடி: ஜப்பானின் அதிரடி முடிவு

World Japan

By Shalini Balachandran Apr 17, 2024 12:34 PM GMT

Shalini Balachandran

in உலகம்

Report

மேற்கு ஜப்பானில் உள்ள ஷிகோகு பகுதியைச் சேர்ந்த கருப்பு கரடிகளைத் தவிர பிற கரடிகள் 'வனவிலங்கு மேலாண்மை' பட்டியலில் சேர்க்கப்படுமென ஜப்பான் சுற்றுச்சூழல் அமைச்சகம் அறிவித்துள்ளது.

அரசு மானியத்தின் உதவியுடன் வேட்டையாடக்கூடிய விலங்குகளின் பட்டியலில் கரடிகளையும் சேர்த்துள்ளதாக ஜப்பான் தெரிவித்துள்ளது.

கரடிகளின் எண்ணிக்கை பெருகி மனிதர்களை தாக்கும் சம்பவம் அதிகரித்துள்ள நிலையில் இந்த முடிவு எடுக்கப்பட்டுள்ளதாக குறிப்பிடப்பட்டுள்ளது.

கருப்பு கரடி

அத்தோடு கருப்பு கரடிகளின் எண்ணிக்கை பெருகவில்லை என்பதால் இந்த பட்டியலில் சேர்க்கப்படாதென அறிவிக்கப்பட்டுள்ளது.

வேட்டையாடப்படும் விலங்கு பட்டியலில் கரடி: ஜப்பானின் அதிரடி முடிவு | Japan Has Allowed The Extermination Of Bears

பழுப்பு நிற கரடிகள் வடக்கு ஜப்பானின் ஹொக்கைடோவில் வாழ்கின்ற நிலையில் ஆசிய கருப்பு கரடிகள் நாட்டின் 47 மாகாணங்களில் மற்றும் 33 மாநிலங்களில் வாழ்கின்றன.

பழுப்பு நிற கரடி

இந்நிலையில், அவற்றின் எண்ணிக்கை மற்றும் வாழ்விடங்கள் பல பகுதிகளில் அதிகரிக்கின்றமையினால் கரடி தாக்குதல் சம்பவங்கள் அதிகரிக்கும்போது இலையுதிர் காலத்தில் கரடிகளை அழிப்பதற்காக அரசு மானியங்களை வழங்க தொடங்கும் என சுற்றுச்சூழல் துறை மந்திரி தெரிவித்துள்ளார்.

ஜப்பான் சுற்றுச்சூழல் அமைச்சக தகவலின்படி 2023 ஆம் நிதியாண்டில் 19 மாகாணங்களில் கரடிகள் தாக்கியதில் 219 பேர் பாதிக்கப்பட்டதுடன் அவர்களில் ஆறு பேர் உயிரிழந்துள்ளதாக தெரிவிக்கப்பட்டுள்ளது.

மேலும் இது 2006 இல் கரடி தாக்குதல் விவரங்கள் பதிவு செய்யப்பட்டதில் இருந்து அதிகபட்ச பாதிப்பு என்பது குறிப்பிடத்தக்கது.