அதிபர் ரணில் தலைமையில் பாரத் – லங்கா வீட்டுத்திட்டம்

Sri Lanka Upcountry People Ranil Wickremesinghe Sri Lanka Jeevan Thondaman India

By Shadhu Shanker Feb 18, 2024 01:13 PM GMT

Shadhu Shanker

in அரசியல்

Report

இந்திய அரசின் நிதி உதவியுடன் அதிபர் ரணில் விக்ரமசிங்கவின் வழிகாட்டலுடன் நீர்வழங்கல் மற்றும் தோட்ட உட்கட்டமைப்பு வசதிகள் அபிவிருத்தி அமைச்சர் ஜீவன் தொண்டமானின் ஒருங்கிணைப்பின் கீழ் மலையகத்துக்கான 10 ஆயிரம் பாரத் – லங்கா எனும் வீட்டுத் திட்டம் ஆரம்பித்து வைக்கப்படவுள்ளது.

குறித்த திட்டம் நாளைய 19.02.2024 ஆரம்பித்து வைக்கப்படவுள்ளதுடன் முதற்கட்டமாக ஆயிரத்து 300 வீடுகளுக்கு ஒரே தடவையில் நிர்மாணப் பணிகளுக்கான அங்குரார்ப்பணம் இடம்பெறவுள்ளது.

இதன் பணிகளை எதிர்வரும் ஒகஸ்ட் மாதத்துக்குள் நிறைவு செய்வதற்கு எதிர்பார்க்கப்படுகின்றது.

பாரத் லங்கா வீட்டுத் திட்டம்

நுவரெலியா, கண்டி, பதுளை, மாத்தளை, கேகாலை, குருணாகல், இரத்தினபுரி, காலி, களுத்துறை மற்றும் மொனராகலை ஆகிய 10 மாவட்டங்களை உள்ளடக்கிய வகையில் 45 இடங்களில் நிர்மாணப் பணிகளுக்கான அங்குரார்ப்பண விழா நடைபெறவுள்ளது.

barath lanka home jeevan thondaman

இதன்பிரதான நிகழ்வு நாளை ( 19) காலை 10 மணிக்கு அதிபர் செயலகத்தில் இலங்கை அதிபர் ரணில் விக்ரமசிங்க, அமைச்சர் ஜீவன் தொண்டமான், இலங்கைக்கான இந்திய தூதுவர் சந்தோஷ் ஜா ஆகியோரின் பங்கேற்புடன் நிகழ்நிலை மூலம் இடம்பெறும்.

அதேபோல 45 தோட்டங்களுக்கும் மக்கள் பிரதிநிதிகள் அனுப்பி வைக்கப்பட்டுள்ளனர். நிகழ்வுக்கான அனைத்து ஏற்பாடுகளும் மிகவும் நேர்த்தியான முறையில் அமைச்சர் ஜீவன் தொண்டமானால் நெறிப்படுத்தப்பட்டுள்ளமை குறிப்பிடத்தக்கது.