யாழ்ப்பாணத்திலும் தோற்கடிக்கப்பட்ட பிரதேசசபை ஒன்றின் பட்ஜெட்

 ஊர்காவற்றுறை பிரதேச சபையின் முதலாவது பாதீடு சபை உறுப்பினர்களின் பெரும்பான்மையுடன் தோற்கடிக்கப்பட்டுள்ளது.

ஊர்காவற்துறை பிரதேசபையின் மாதாந்த அமர்வு இன்று (24) அகில இலங்கை தமிழ் காங்கிரஸின் தவிசளர் அன்னராசா தலைமையில் இடம்பெற்றது.

இதன்போது மக்களுக்கான காட்சிப்படுத்தலின் பின்னர் 2026 ஆம் ஆண்டுக்கான பாதீடு விவாதத்துக்கு கொண்டுவரப்பட்டது.

உறுப்பினர்களின் பல்வேறு விமர்சனங்களை அடுத்து விவாதத்தின் பின் குறித்த பாதீட்டை நிறைவேற்றும் பொருட்டு தவிசாளரால் சபையில் வாக்கெடுப்புக்கு விடப்பட்டது.

ஆளும் கட்சி உறுப்பினரே எதிர்த்து வாக்களிப்பு

பாதீட்டை நிறைவேற்றுவதற்கான வாக்கெடுப்பின் போது சைக்கிள் கட்சியின் உறுப்பினர் ஒருவருடன் எதிராக 10 வாக்குகளும் ஆதரவாக 3 வாக்கிகளும் கிடைக்கப்பெற்ற நிலையில் குறித்த பாதீடு மேலதிக 7 வாக்குகளால் தோற்கடிக்கப்படுள்ளது.

கடந்த உள்ளூராட்சி மன்ற தேர்தலின் போது குறித்த பிரதேச சபையின் 13 மொத்த உறுப்பினர்களில் 4 ஆசனங்களை ஈ.பி.டி.பியும் தமிழரசுக் கட்சி 2 ஆசனங்களையும் தேசிய மக்கள் கட்சி 3 ஆசனங்களையும், அகில இலங்கை தமிழ் காங்கிரஸ் 3 உறுப்பினர்களையும், விளக்கு சின்னத்தில் போட்டியிட்ட சுயேச்சைக் குழு 1 ஆசனத்தையும் பெற்றிருந்தன.

 இந்நிலையில் முன்னிலை பெற்றிருந்த ஈ.பி.டி.பி ஆட்சி அமைக்க முன்வராத நிலையில் தமிழரசுக் கட்சி ஆட்சி அமைப்பதற்கான பேச்சுக்களில் ஆதவு வழங்க சம்மதித்திருந்தது.

இதன் அடிப்படையில் 2 உறுப்பினர்களைக் கொண்ட தமிழரசுக் கட்சி ஈ.பி.டி.பியி. 4 உறுப்பினர்களது ஆதரவுடன் ஆட்சியமைக்க தனது முன்மொழிவை சபையில் பிரஸ்தாபித்திருந்தது.

ஆனால் 3 உறுப்பினர்களைக் கொண்ட தமிழ் காங்கிரஸ் கட்சியினர் ஆட்சி அதிகார மோகத்தில் தேசிய மக்கள் சக்தியுடனான நடு நிலைமை இணக்கப்பாட்டுடன் குத்து விளக்கு சின்னத்தில் போட்டியிட்ட கட்சியின் ஓர் ஆசனம், தமிழரசுக் கட்சியின் ஓர் ஆசனத்தை தேசியம் பேசி சூட்சுமமாக வலையில் வீழ்த்தி சபையின் ஆட்சி அதிகாரத்தை வசப்படுத்தியிருந்தது.

அநுர அரசுக்கு தொடரும் நெருக்கடி : இரண்டாவது முறையாகவும் தோற்கடிக்கப்பட்ட பட்ஜெட்

சைக்கிள் கட்சியின் தூர நோக்கற்ற ஆட்சி

சைக்கிள் கட்சியின் தூர நோக்கற்ற இந்த ஆட்சி அதிகார மோகத்தால் சபையின் செயற்பாடுகள் ஆட்சி அமைந்த சில நாள்களிலேயே ஆட்டம் காண தொடங்கியது.

  அதன் வெளிப்பாடாக இன்று நடந்த பாதீட்டின் பெறுபேறுகள் அமைந்துள்ளது. இன்றைய வாக்கெடுப்பில் எதிராக ஈ.பி.டி.பி 4, என்.பி.பி 3, வீடு 1, சைக்கிள் 1, குத்துவிளக்கு 1 ஆகிய உறுப்பினர்களது வாக்குகள் பதியப்பட்டன. ஆதரவாக சைக்கிள் கட்சியின் தவிசாளர் மற்றும் உறுப்பினருடன் உப தவிசளர் பதவிக்காக தமிழரசில் இருந்து நழுவிச் சென்றவரது வாக்குடன் 3 வாக்குகள் கிடைத்தன.

இதன்படி 2026 க்கான பாதீடு மேலதிக 7 வாக்குகளால் தோற்கடிக்கப்படுள்ளது.

உள்ளூரதிகார சபை சட்டத்தின் பிரகாரம் குறித்த தோல்வியானது சபையின் ஆட்சி மாற்றமாக அமையாது விடினும் ஆட்சியாகர்களின் மீது மக்களுக்கு அவ நம்பிக்கையை உருவாக்கியுள்ளதை காட்டியுள்ளதாக பிரதேச மக்கள் சுட்டிக்காட்டியுள்ளமை குறிப்பிடத்தக்கது.

வடக்கில் நீண்ட காலம் அபிவிருத்தி நடக்கவில்லை: குற்றஞ்சாட்டும் NPP அமைச்சர்