3 பதக்கங்களை வென்ற தமிழக வீராங்கனை - முதலமைச்சர் விஜய்யின் அறிவிப்பு

ஆசிய விளையாட்டு போட்டியில் தமிழக வீராங்கனை வித்யா ராம்ராஜ், தங்கம், வெள்ளி, வெண்கலம் ஆகிய 3 பதக்கங்களை வென்று அசத்தியுள்ளார்.

400 மீட்டர் தடை ஓட்டப் பந்தயத்தில், இந்தியாவின் தங்க மங்கை பி.டி. உஷாவின் 42 ஆண்டுகால சாதனையை தமிழக வீராங்கனை வித்யா ராம்ராஜ் தகர்த்துள்ளார்.

மகளிருக்கான 400 மீட்டர் தடை ஓட்டப் பந்தயத்தின் இறுதிப்போட்டியில், வித்யா ராம்ராஜ் பங்கேற்றார்.  

சவுதியில் மரண தண்டனை விதிக்கப்பட்ட அனோஜன் - ஜனாதிபதிக்கு பறந்த மனு

தங்க பதக்கம் வென்று சாதனை 

இதில் சிறப்பாக செயல்பட்ட அவர், பந்தய தூரத்தை வெறும் 54.75 வினாடிகளில் கடந்து மூன்றாம் இடத்தைப் பிடித்து வெண்கலப் பதக்கம் வென்றார்.

இதன் மூலம் இந்திய தடகள வரலாற்றில் மிக நீண்ட காலமாக முறியடிக்கப்படாமல் இருந்த பி.டி. உஷாவின் தேசிய சாதனையையும் அவர் முறியடித்து அசத்தியுள்ளார்.

இதேவேளை, ஆசிய விளையாட்டு போட்டியில் மகளிருக்கான 4×400 மீட்டர் தொடர் ஓட்டத்தில் இந்திய அணி தங்க பதக்கம் வென்று சாதனை படைத்துள்ளது.

கிரண் பஹல், பூவம்மா மச்செட்டிரா, பிராச்சி மற்றும் தமிழகத்தை சேர்ந்த வித்யா ராம்ராஜ் ஆகியோர் இடம்பெற்ற இந்திய அணி, பந்தய தூரத்தை 3 நிமிடங்கள் 29.69 விநாடிகளில் கடந்து முதலிடம் பிடித்துள்ளது.

[

அதுவும் கடைசி 400 மீட்டர் தூரத்தை தமிழகத்தின் வித்யா, முன்னணியில் இருந்த சீன வீராங்கனையை மின்னல் வேகத்தில் முந்தி சென்று வெற்றிக்கு வித்திட்டார்.

இந்த ஆசிய விளையாட்டில் தடகளத்தில் இந்தியா வென்ற ஒரே தங்கம் இது தான். பக்ரைன் அணி வெள்ளிப்பதக்கமும் (3 நிமிடம் 30.21 வினாடி), சீனா வெண்கலமும் (3 நிமிடம் 31.02 வினாடி) பெற்றது.  

ஞானசார தேரரை கைது செய்ய பிடியாணை

முதலமைச்சர் விஜய் பரிசுத்தொகை

தடகளத்தில் முத்திரை பதிக்கும் இந்திய ஓட்டப்பந்தய வீராங்கனை 27 வயதான வித்யா ராம்ராஜ், கோவை மாவட்டம் மதுக்கரை அருகே உள்ள மீனாட்சிபுரத்தை சேர்ந்தவர்.

ஏற்கனவே அவருக்கு ரூ.50 லட்சம், ரூ.30 லட்சம் என தமிழக முதலமைச்சர் விஜய் பரிசுத்தொகை அறிவித்துள்ளார்.  இந்த நிலையில் 3–வது பதக்கத்துக்காக அவருக்கு ரூ.75 லட்சம் உயரிய ஊக்கத்தொகை வழங்கப்படும் என முதலமைச்சர் விஜய் அறிவித்துள்ளார்.

மேலும் அவர், ‘தனது திறமை, கடின உழைப்பு மற்றும் அர்ப்பணிப்பால் இந்த வரலாற்று சாதனையை படைத்துள்ள வித்யாவுக்கு பாராட்டுகள்.

அவரது வெற்றி தமிழ்நாட்டின் இளம் வீரர், வீராங்கனைகளுக்கு புதிய உத்வேகத்தை அளிக்கும். எதிர்காலத்திலும் அவர் மேலும் பல வெற்றிகளை பெற்று தமிழ்நாட்டிற்கும், இந்தியாவுக்கும் பெருமை சேர்க்க எனது மனமார்ந்த வாழ்த்துகளை தெரிவித்துக் கொள்கிறேன்’ என்று கூறியுள்ளார்.

யாழ். நகர மத்தியில் உடைந்து விழும் நிலையில் மேம்பாலம் - எடுக்கப்பட்ட தீர்மானம்