நீதிமன்றம் சென்ற பெண் மீது கத்திக்குத்து தாக்குதல்
திருடப்பட்ட நகை தொடர்பான வழக்கில் நீதிமன்றுக்கு விசாரணைக்கு சென்று திரும்பிய பெண் மீது இனந்தெரியாதவர்கள் மேற்கொண்ட கத்திகுத்து தாக்குதலில் அவர் படுகாயமடைந்துள்ளார்.
ஹோமாகம நீதவான் நீதிமன்றத்தின் முன் இன்று (25) பிற்பகல் இந்த சம்பவம் இடம்பெற்றதாக ஹோமாகம தலைமையக காவல்துறையினர் தெரிவித்தனர்.
வீட்டில் நகைகள் திருட்டு
படுகாயமடைந்த பெண் ஹோமாகம ஆதார வைத்தியசாலையில் அனுமதிக்கப்பட்டுள்ளதாகவும் அவரது நிலைமை பாரதுாரமாக இல்லை எனவும் வைத்தியசாலை பேச்சாளர் ஒருவர் தெரிவித்தார்.
தனது வீட்டில் ஐந்து பவுண் பெறுமதியான தங்க நகைகள் சிலவற்றை காணவில்லை எனவும் இது தொடர்பில் தனது சகோதரன் மீது சந்தேகம் இருப்பதாக குறித்த பெண் பாதுக்கை காவல் நிலையத்தில் முறைப்பாடு அளித்துள்ளார்.
நீதிமன்றத்திற்கு விசாரணைக்கு முன்னிலையாகி
இந்த சம்பவம் தொடர்பாக ஹோமாகம நீதவான் நீதிமன்றத்திற்கு விசாரணைக்கு முன்னிலையாகிய குறித்த பெண் பின்னர் வீடு திரும்புவதற்காக மோட்டார் சைக்கிளில் ஏறியுள்ளார். இதன்போது முச்சக்கர வண்டியொன்றில் வந்த இனந்தெரியாத நபர், கூரிய ஆயுதத்தால் அப்பெண்ணின் கழுத்தில் தாக்கிவிட்டு தப்பிச் சென்றுள்ளார்.
பூகொடை பிரதேசத்தைச் சேர்ந்த 35 வயதுடைய பெண்ணே சம்பவத்தில் காயமடைந்துள்ளார்.
இச்சம்பவத்தில் தனது சகோதரனும் அவரது மனைவியும் சந்தேகத்திற்குரியவர்கள் என குறித்த பெண் காவல்துறையிடம் தெரிவித்ததையடுத்து விசாரணைகள் ஆரம்பிக்கப்பட்டுள்ளதாக ஹோமாகம தலைமையக காவல் நிலையத்தின் சிரேஷ்ட அதிகாரி ஒருவர் தெரிவித்தார்.
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
