ரியல் மாட்ரிட் கழகத்துடன் ஒப்பந்தம் செய்ய தயாராகும் எம்பாப்பே
Shalini Balachandran
in விளையாட்டு
பிரான்ஸின் கால்பந்து நட்சத்திரமான கிலியன் எம்பாப்பே (Kylian Mbappe) 2024 - 2025 இற்கான ஐரோப்பிய கிண்ண தொடருக்கு ரியல் மாட்ரிட் கழகத்துடன் ஒப்பந்தம் செய்யவுள்ளதாக சர்வதேச ஊடகங்கள் செய்தி வெளியிட்டுள்ளன.
2024 ஆம் ஆண்டுக்கான ஐரோப்பிய கிண்ண கால்பந்து தொடர் இன்றுடன் நிறைவடைந்த நிலையில் நடைபெறவுள்ள தொடரில் ரியல் மாட்ரிட் சார்பாக அவர் விளையாடுவர் என எதிர்பார்க்கப்படுகிறது.
பரிஸ் செயின்ட் ஜெர்மைன் கழகத்துக்காக நடப்பு தொடரில் விளையாடிய அவரின் ஒப்பந்தம் நிறைவடைந்த நிலையில் புதிய ஒப்பந்தத்தில் கையொப்பமிடவுள்ளார்.
கால்பந்து சாதனையாளர்
கடந்த மாதம் பாரிஸ் செயின்ட் ஜெர்மைன் கழகத்தை விட்டு தான் விலகுவதாக அறிவித்த அவரின் கருத்தானது பிரான்ஸ் கால்பந்து ரசிகர்களுக்கு பெரும் ஏமாற்றத்தை உண்டாக்கியிருந்தது.
இந்த நிலையில் எதிர்வரும் வாரம் இது தொடர்பிலான உத்தியோகபூர்வ அறிவிப்பு வெளியாகும் என எதிர்பார்க்கப்படுவதுடன் 2018 ஆம் ஆண்டில் உலகக் கோப்பையை பிரான்ஸுக்காக வென்றுக்கொடுத்த எம்பாப்பே, இளவயது கால்பந்து சாதனையாளர் எனவும் வர்ணிக்கப்படுகின்றார்.
அவர் 2029 ஆம் ஆண்டு வரை ரியல் கழகத்துடன் ஒப்பந்தம் செய்யவுள்ள நிலையில் , ஒரு தொடருக்கு 15 மில்லியன் யூரோக்கள் (இலங்கை பெறுமதி 4.9பில்லியனுக்கும் அதிக தொகை) வழங்கப்படும் என தெரிவிக்கப்படுகின்றது.
மேலதிக ஒப்பந்த தொகை
அத்தோடு, 150 மில்லியன் யூரோ கையொப்பமிடுதளுக்கு மேலதிக ஒப்பந்த தொகையாக வழங்கப்படுமென தெரிவிக்கப்படுவதுடன் கிலியன் எம்பாப்பே தனது 19 ஆவது வயதில் உலகக்கோப்பை இறுதிப் போட்டியில் விளையாடியவர் ஆவார்.
இதனுடன், தனது 23 ஆவது வயதில் உலகக்கோப்பையில் கோல்டன் பூட் விருதை தன்வசப்படுத்தியிருந்ததுடன் 1966 இற்கு பின்னர் உலகக்கோப்பை இறுதிப் போட்டியில் முதல் ஹாட்ரிக் கோல் அடித்த வீரர் என்ற பெருமையை அவர் தன்வசம் கொண்டுள்ளார்.
பிரேசிலின் கால்பந்து ஜாம்பவான் பீலே 14 உலகக்கோப்பை போட்டிகளில் விளையாடி மொத்தம் 12 கோல்கள் அடித்துள்ள நிலையில் அதனை தனது இளம்வயதிலேயே எம்பாப்பே சமன் செய்துள்ளார்.
கட்டாரில் நடந்த உலகக்கோப்பை கால்பந்து 2022 தொடரில் அர்ஜென்டினா, பிரான்ஸ் இடையிலான இறுதிப் போட்டியை வாழ்நாளில் மறக்க முடியாத நிகழ்வாக மாற்றியதில் கிலியன் எம்பாப்பேவிற்கு மிக முக்கிய பங்குண்டு.
தேசிய அணி
2015 இல் தனது 16 வயதில் Monaco கலகத்துக்காக விளையாடிய இவரது திறமையை கண்ட Monaco அணி மூன்று ஆண்டுகளுக்கு ஒப்பந்தம் செய்தது.
இவரது கோல் மழை Monaco அணியை பிரான்ஸின் உள்ளக தொடரான லீக் 1 கோப்பையை வெல்ல உதவியதுடன் இதற்கிடையில் பிரான்ஸ் தேசிய அணியில் 19 வயதுக்கு உட்பட்டோருக்கான அணியில் இடம்பிடித்தார்.
படிப்படியாக தனது திறமையால் ரசிகர்களை ஈர்த்த அவர் பிரான்ஸ் தேசிய அணியில் 2017ஆம் ஆண்டு முதல்முறை விளையாடினார்.
மறுபுறம் லீக் 1 விளையாடும் முன்னணி கழகமான பி.எஸ்.ஜியில் விளையாடும் வாய்ப்பு எம்பாப்பேவிற்கு கிடைத்ததுடன் இந்த அணியில் ஆடி ஐரோப்பிய கழகங்களுக்கு எதிரான போட்டியில் கோல்களை அடித்து அசத்தியமை அவரது திறமையை மேலும் உலகறிய செய்திருந்தது.
கால்பந்து கழகங்கள்
இந்த சூழலில் 2018 ரஷ்ய உலகக்கோப்பை தொடருக்கான பிரான்ஸ் அணியில் இடம்பிடித்ததுடன் இந்த தொடரில் முதல் கோல், ஒரே போட்டியில் இரண்டு கோல், Man of the Match விருது, இறுதிப் போட்டியில் கோல், Best Young Player Award என வரிசையாக சாதனைகளை தன்வசப்படுத்திக்கொண்டே சென்றார்.
ஒரு கட்டத்தில் உலகின் மிகப்பெரிய கால்பந்து கழகங்களாக விளங்கும் ரியல் மாட்ரிட், மான்செஸ்டர் சிட்டி, பேயர்ன் முஞ்ச், லிவர்பூல் என பலரும் கிலியன் எம்பாப்பேவை ஒப்பந்தம் செய்ய முயற்சித்தனர்.
இந்த நிலையில், பிரான்ஸின் முன்னணி கழகமான பி.எஸ்.ஜி அணி கிலியன் எம்பாப்பேவை ஒப்பந்தம் செய்து தங்கள் அணி வீரராகவே மாற்றியமைத்தது.
தற்போது லீக் 1, சாம்பியன்ஸ் லீக், UEFA தொடர் , பிரான்ஸ் தேசிய அணி, கோபா டி பிரான்ஸ், உலகக்கோப்பை என அனைத்திலும் அற்புதமாக கோல்களை அடித்து உலக அரங்கை தன்பக்கம் திருப்பியுள்ளதுடன் இவர் சிறு வயது முதலே ரொனால்டோவின் (Cristiano Ronaldo ) தீவிர ரசிகர் என்பது குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
