கிழக்கு ஆளுநரின் ஏற்பாட்டில் பிரதமரை சந்தித்த மலேசிய நாடாளுமன்ற உறுப்பினர்

Dinesh Gunawardena Sri Lanka Malaysia World

By Shalini Balachandran Mar 23, 2024 01:53 PM GMT

Shalini Balachandran

in இலங்கை

Report

பிரதமர் தினேஸ் குணவர்தனவுக்கும் மலேசிய நாடாளுமன்ற உறுப்பினர் டட்டுக் சரவணனுக்கும் இடையிலான விசேட சந்திப்பொன்று கிழக்கு மாகாண ஆளுநர் செந்தில் தொண்டமான் ஏற்பாட்டில் அலரிமாளிகையில் இடம்பெற்றுள்ளது.

குறித்த சந்திப்பானது இன்று(23) இடம்பெற்றுள்ளது.

இந்த சந்திப்பில் இரு நாடுகளுக்குமிடையிலான நட்புறவை வலுப்படுத்துவது குறித்து இருவரும் கலந்துரையாடியுள்ளனர்.

தொடர் முயற்சி

மேலும் டட்டுக் சரவணன் மனிதவள அமைச்சராக இருந்த காலப்பகுதியில் இலங்கையர்கள் மலேசியாவில் பணிபுரிவதற்கான 10 ஆயிரம் வேலைவாய்ப்பு விசாவிற்கான ஒதுக்கீட்டுக்கு அனுமதியை வழங்கியுள்ளார்.

கிழக்கு ஆளுநரின் ஏற்பாட்டில் பிரதமரை சந்தித்த மலேசிய நாடாளுமன்ற உறுப்பினர் | Meeting Prime Minister Member Parliament Malaysia

அதற்காக பிரதமர் நன்றிகளை தெரிவித்துள்ளதுடன் இந்த நடவடிக்கைக்கு தொடர் முயற்சிகளை மேற்கொண்ட கிழக்கு மாகாண ஆளுநர் செந்தில் தொண்டமானுக்கும் பிரதமர் தினேஷ் குணவர்தன பாராட்டுக்களை தெரிவித்துள்ளார்.

தற்போது இவ் ஒதுகீட்டினை இலங்கையை சேர்ந்த 1853 இளைஞர் மற்றும் யுவதிகள் பயன்படுத்தியுள்ளனர்.

பொருளாதார வீழ்ச்சி

மேலும் மலேசிய நாடாளுமன்ற உறுப்பினர் டட்டுக் சரவணன் கருத்து தெரிவிக்கையில், இலங்கையில் ஏற்பட்ட பொருளாதார வீழ்ச்சியில் இருந்து இலங்கையை அதிபர் ரணில் விக்ரமசிங்க மற்றும் பிரதமர் தினேஷ் குணவர்தன ஆகியோர் சிறந்த நிர்வாகத்திறன் ஊடாக மிக விரைவாக மீட்டெடுத்துள்ளதாக தெரிவித்துள்ளார்.

அத்தோடு ஏனைய நாடுகள் இலங்கை பொருளாதார வீழ்ச்சியில் மீண்டெழ கையாண்ட அணுகுமுறைக்கு பாராட்டுக்களை தெரிவித்ததுடன் இலங்கைக்கு எந்த நேரத்திலும் மலேசிய அரசாங்கம் உதவுவதற்கு காத்திருப்பதாகவும் குறிப்பிட்டுள்ளார்.